અમદાવાદ: રિવરફ્રન્ટ પર બોટિંગ કરતી મહિલાની બોટ પલટી, જૂઓ દિલધડક રેસ્ક્યુ
અમદાવાદની સાબરમતી નદીમાં આજે દુર્ઘટના સર્જાતા રહી ગઈ છે. સાબરમતી રિવરફ્રન્ટ ખાતે નદીમાં બોટિંગ કરતી બોટ પલટી મારી હતી. કાયાકિંગની મજા માણતી યુવતીએ અચાનક બેલેન્સ ગુમાવતા યુવતીની બોટ પલટી મારી ગઈ હતી. અને બોટમાં સવાર યુવતી નદીના પાણીમાં ખાબકી હતી.
સાબરમતીમાં કાયાકિંગ બોટ પલટી
પ્રાપ્ત વિગતો મુજબ આજે અમદાવાદની સાબરમતી નદીમાં એક મોટી દુર્ઘટના થતા-થતા રહી ગઈ છે, નદીમાં કાયાકિંગની મજા માણતી યુવતીનું કોઈ કારણોસર બેલેન્સ બગડ્યું અને બોટ પલટી મારી ગઈ હતી અને યુવતી પાણીમા ખાબકી હતી. આ અંગે રેસ્ક્યુ ટીમને જાણ કરાતા રેસ્ક્યુ ટીમ તાત્કાલિક ઘટના સ્થળે દોડી આવી હતી અને રેસ્ક્યુ ટીમે યુવતીને હેમખેમ બચાવી લીધી હતી.
યુવતીએ લાઈફ જેકેટ પહેર્યું હોવાથી તેનો જીવ બચી ગયો
પ્રાપ્ત માહિતી મુજબ ગઈ કાલેસાંજે એક મહિલા તેના પરિવાર સાથે ફરવાં માટે આવ્યા હતા. આ દરમિયાન તેમણે રિવરફ્રન્ટ પર કાયાકિંગ બોટની મજા માણવા સવારી કરી હતી. ત્યારે બોટિંગ કરતી વખતે પાણીના પ્રવાહથી તેમની બોટ નદીમાં પલટી ખાઈ ગઈ હતી. બોટ પલટતા મહિલાએ બૂમાબૂમ કરી હતી. જેને સાંભળીને બચાવ કર્મીઓ દોડી આવ્યા હતા . અને મહિલાનું સહિસલામ રેસ્કુયું કર્યું હતું. જોકે આ મહિલાએ લાઈવ જેકેટ પહેર્યો હોવાથી તેનો આબાદ બચાવ થયો હતો.
અમદાવાદમાં બોટીંગ દરમ્યાન બોટ પલટી #ahemdabad #accident #sabarmatiriverfrunt #boat #woman #rescue #gujarat #GujaratiNews #humdekhengenews pic.twitter.com/OlsjdcjNrs
— Hum Dekhenge News (@humdekhengenews) July 29, 2023
સમગ્ર ઘટનાનો વીડિયો થયો વાયરલ
આ સમ્રગ ઘટનાનો વિડીયો ત્યાં ઊભેલા રહેલા લોકોએ પોતાના મોબાઈલમાં ઉતારી લીધો હતો અને સોશિયલ મિડિયા પર વાયરલ કર્યો હતો.
5 મહિનામાં બોટ પલટી ખાઈ જવાની બીજી ઘટના
અમદાવાદનો રિવરફ્રન્ટએ લોકો માટે આર્કષણનું કેન્દ્ર બન્યું છે.જેથી દૂર દૂરથી સહેલાણીઓ અહીં આવતા હોય છે. કાયાકિંગ બોટિંગ મજા લોકો અમદાવાદમાં પણ માણી શકે તે હેતુથી આ પ્રોજેકટો અમલમા મૂકવામાં આવ્યો હતો.પરંતુ 5 જ મહીનામાંબોટ પલટી ખાઈ જવાની બીજી ઘટના સામે આવી છે.
આ પણ વાંચો : નબીરા તથ્ય પટેલની વધુ એક કરતૂતનો પર્દાફાશ,સ્કૂલમાંથી પણ કરાઈ હતી હકાલપટ્ટી
