સંસદમાં મણિપુર પર હોબાળો યથાવત રહેવાની સંભાવના; ભાજપાએ બોલાવી પાર્લામેન્ટરી બેઠક
નવી દિલ્હી: સંસદનું ચોમાસુ સત્રઃ સંસદમાં ચોમાસું સત્રનો આજે ચોથો દિવસ છે. મંગળવારે પણ મણિપુર મુદ્દે હંગામો થવાની શક્યતા છે. કોંગ્રેસ અને આમ આદમી પાર્ટીએ મણિપુર પર ચર્ચા કરવા માટે સ્થગિત પ્રસ્તાવ આપ્યો છે. બીજી તરફ ભાજપે સંસદીય દળની બેઠક બોલાવી છે. તેમાં વડાપ્રધાન નરેન્દ્ર મોદી પણ હાજર છે.
વિરોધ પક્ષોના ગઠબંધન INDIA દ્વારા પણ બેઠક બોલાવવામાં આવી છે. મણિપુર હિંસા મુદ્દે સંસદના ચોમાસુ સત્ર દરમિયાન વિપક્ષી દળોએ બંને ગૃહોમાં હંગામો કર્યા બાદ લોકસભા અને રાજ્યસભા મંગળવાર (25 જુલાઈ) સુધી સ્થગિત કરવામાં આવી હતી. કોંગ્રેસ અધ્યક્ષ મલ્લિકાર્જુન ખડગે સહિત અનેક વિપક્ષી નેતાઓને સંસદના બંને ગૃહોમાં મણિપુર પર ચર્ચા માટે નોટિસ આપવામાં આવી છે.
વિપક્ષી પાર્ટીઓના ગઠબંધન INDIA દ્વારા સંસદમાં ગાંધી પ્રતિમાની સામે વિરોધ પ્રદર્શન કરવામાં આવ્યું હતું. કેન્દ્રીય ગૃહ પ્રધાન અમિત શાહે લોકસભામાં કહ્યું છે કે તેઓ ચર્ચા માટે તૈયાર છે, પરંતુ વિપક્ષ ચર્ચાથી ભાગી રહ્યો છે.
#WATCH | BJP Parliamentary party meeting is underway at Parliament. pic.twitter.com/BJk69aVdxj
— ANI (@ANI) July 25, 2023
સાંસદ સંજય સિંહ ચોમાસું સત્ર માટે સસ્પેન્ડ
AAPના રાજ્યસભા સાંસદ સંજય સિંહે સંસદમાં મણિપુર પર ચર્ચા અને વડાપ્રધાનના નિવેદનનો મુદ્દો ઉઠાવ્યો હતો. તેઓ અધ્યક્ષ જગદીપ ધનખર પાસે ગયા અને દલીલો કરવા લાગ્યા. ત્યારબાદ તેમને સમગ્ર ચોમાસું સત્ર માટે સસ્પેન્ડ કરવામાં આવ્યા હતા. આ નિર્ણયના વિરોધમાં વિપક્ષી સાંસદોએ સંસદમાં ગાંધી પ્રતિમા પાસે આખી રાત ધરણા કર્યા હતા. આજે પણ આ મુદ્દો ઉઠાવવામાં આવી શકે છે.
આ પણ વાંચો- પાકિસ્તાનના મંદિરમાંથી મળી હિન્દુ બાળકીની લાશ, ખેતરમાંથી મળી યુવકની લાશ
