મણિપુરમાં મહિલાઓ સાથે નગ્ન પરેડ કરાવવાનો મામલો, છઠ્ઠા આરોપીની ધરપકડ
મણિપુરમાં ચાલી રહેલી હિંસા વચ્ચે રાજ્યમાં બે મહિલાઓની નગ્ન પરેડ કરવાના કેસમાં છઠ્ઠા આરોપીની ધરપકડ કરવામાં આવી. પોલીસે ઝડપેલો આ આરોપી કિશોર છે. અગાઉ આ કેસમાં પાંચ આરોપીની ધરપકડ કરવામાં આવી હતી.
મણિપુર પોલીસે ટ્વિટ કરીને દાવો કર્યો છે કે તે બાકીના આરોપીઓને પકડવાનો સતત પ્રયાસ કરી રહી છે. આ અંગે અમે સતત દરોડા પાડી રહ્યા છીએ.
*6 (six) including 1 (one) Juvenile Arrested/Apprehended:*
As regard to the viral video of 02 (two) women on 4th May, 2023, another accused was arrested today. Altogether 06 (six) persons including 05 (five) main accused and
1/2
— Manipur Police (@manipur_police) July 22, 2023
પાંચમા આરોપીની ઓળખ 19 વર્ષીય યુવક તરીકે થઈ છે. 4 મેના રોજ, મણિપુરમાં બે મહિલાઓની નગ્ન પરેડ કરવાના કેસમાં ધરપકડ કરાયેલા ચાર આરોપીઓને 21 જુલાઈએ 11 દિવસની પોલીસ કસ્ટડીમાં મોકલવામાં આવ્યા હતા.
મુખ્ય આરોપીનું ઘર સળગાવી દેવામાં આવ્યું
મુખ્ય આરોપીની ધરપકડના કલાકો બાદ ટોળાએ તેના ઘરને આગ ચાંપી દીધી હતી. પોલીસના જણાવ્યા અનુસાર, વીડિયોમાં મુખ્ય આરોપી સ્પષ્ટપણે કાંગપોકપી જિલ્લાના બી ફેનોમ ગામમાં ભીડને ઉશ્કેરતો જોવા મળે છે.
તેમણે કહ્યું કે જે બે મહિલાઓ સાથે આ શરમજનક ઘટના બની છે તેમાંથી એક ભારતીય સેનાના ભૂતપૂર્વ સૈનિકની પત્ની છે, જેણે આસામ રેજિમેન્ટમાં સુબેદાર તરીકે સેવા આપી હતી અને તેણે કારગિલ યુદ્ધમાં પણ ભાગ લીધો હતો. 21 જૂને કાંગપોકપી જિલ્લાના સૈકુલ પોલીસ સ્ટેશનમાં આ ઘટના સાથે સંબંધિત વીડિયો અંગે ફરિયાદ દાખલ કરવામાં આવી હતી.
શું છે મામલો?
ટોળાએ 4 મેના રોજ એક વ્યક્તિની હત્યા કરી હતી, જેણે કેટલાક લોકોને તેની બહેન પર બળાત્કાર કરતા રોકવાનો પ્રયાસ કર્યો હતો. એફઆઈઆર અનુસાર, બંને મહિલાઓને પછી નગ્ન પરેડ કરવામાં આવી હતી અને અન્ય લોકોની સામે યૌન શોષણ કરવામાં આવ્યું હતું.
મણિપુરમાં અનુસૂચિત જનજાતિના દરજ્જાની મેઇતેઇ સમુદાયની માંગના વિરોધમાં 3 મેના રોજ ‘આદિજાતિ એકતા માર્ચ’નું આયોજન કરવામાં આવ્યા બાદ ફાટી નીકળેલી હિંસામાં 150થી વધુ લોકોના મોત થયા છે.
