કેન્દ્ર સરકારના આ કર્મચારીઓ માટે મોટા સમાચાર, HBA રકમ પર બદલાયા નિયમો

7મું પગાર પંચઃ કેન્દ્ર સરકારે સંરક્ષણ ક્ષેત્રના કેટલાક કર્મચારીઓને મોટી ભેટ આપી છે. ભારતીય સેના, નૌકાદળ અને વાયુસેનાના સંરક્ષણ સેવાઓના કર્મચારીઓ હવે હાઉસ બિલ્ડીંગ એડવાન્સ (HBA) માટે પાત્ર છે. ફાઇનાન્શિયલ એક્સપ્રેસના અહેવાલ મુજબ, 7મા પગાર પંચની ભલામણો અને અન્ય સંબંધિત પરિબળોને ધ્યાનમાં લીધા પછી HBAની વર્તમાન યોજનાને વધુ ઉદાર બનાવવામાં આવી છે. આ સંદર્ભે એક જાહેરનામું પણ બહાર પાડવામાં આવ્યું છે.

જાણો તેની શું છે મર્યાદા:

નવા મકાન/ફ્લેટની ખરીદી/બાંધકામના કિસ્સામાં, કર્મચારીઓને 34 મહિનાનો મૂળભૂત પગાર, મહત્તમ રૂ. 7 લાખને આધિન, અથવા ઘર/ફ્લેટની કિંમત અથવા ચુકવણીની ક્ષમતા અનુસાર રકમ મળશે.

હાલના મકાનનું વિસ્તરણ: કર્મચારીનો 34 મહિનાનો મૂળ પગાર મહત્તમ રૂ. 6 લાખ અથવા એક્સ્ટેંશનના ખર્ચને આધીન હોઈ શકે છે.

આ પણ વાંચો: સાગરદાણ કૌભાંડ : મહેસાણાની સેશન્સ કોર્ટમાંથી વિપુલ ચૌધરીને આપી રાહત

મકાનની કિંમતની મર્યાદા:

બાંધવા/ખરીદવાના મકાનની કિંમત (પ્લોટની કિંમત સિવાય) કર્મચારીના મૂળ પગારના 139 ગણાથી વધુ ન હોવી જોઈએ, વધુમાં વધુ રૂ. 60 લાખને આધીન.

કેવી રીતે કરી શકશે ચૂકવણી જાણો:

તૈયાર મકાનની ખરીદી માટે એડવાન્સ રકમ એકસાથે ચૂકવી શકાય છે. નવા ફ્લેટની ખરીદી/બાંધકામ માટે એડવાન્સ ડિપાર્ટમેન્ટના વડાના વિવેકબુદ્ધિથી એકસાથે અથવા અનુકૂળ હપ્તામાં ચૂકવી શકાય છે. નાણાકીય વર્ષ 2017-18 પછી હાઉસિંગ બિલ્ડિંગ એડવાન્સ પર વ્યાજ 8.50% રહેશે. એમજ સમજો કે કેન્દ્ર સરકારના કર્મચારીઓ માટે હાઉસ બિલ્ડિંગ એડવાન્સની સુવિધા ઉપલબ્ધ છે. આ અંતર્ગત કર્મચારીઓ ઓછા વ્યાજે પૈસા એડવાન્સ લઈ શકશે. જો કે, આ માટે કેટલીક શરતો પૂરી કરવી જરૂરી છે.

આ પણ વાંચો: મહેસુલ વિભાગમાં મનોજ દાસનું સફાઇ અભિયાન; ભ્રષ્ટાચારની સાથે-સાથે આળસ પણ કરાઇ દૂર