ધોલેરા SIRમાં હોટેલ માટે પ્લોટની પ્રથમ સફળ હરાજી, હોસ્પિટાલિટી સેક્ટરને પ્રોત્સાહન

વિજય નહેરાના હાથમાં હાલમાં Dholera- SIR પ્રોજેક્ટની કમાન છે. તેમને આ જવાબદારી સોંપવામાં આવ્યા બાદ તેઓ એક્શનમાં આવી ગયા છે. ધોલેરા SIRમાં હોટેલ પ્લોટની પ્રથમ સફળ હરાજી થઈ છે. જી હાં, વિજય નહેરાને કમાન સોંપાયા બાદ સફળતા પૂર્વક પ્લોટની સફળ હરાજી થઈ ગઈ છે. મહત્વનું છે કે, અગાઉ વિજય નહેરા ગુજરાત સરકારના સાયન્સ અને ટેક્નોલોજી વિભાગમાં ફરજ બજાવતા હતા. તાજેતરમાં IAS અધિકારીઓની બદલી કરવામાં આવી હતી. તેમાં વિજય નહેરાને પણ બઢતી આપવામાં આવી હતી.

ધોલેરા SIRના એક વરિષ્ઠ અધિકારીએ જણાવ્યું હતું કે, “અમને એ જણાવતા આનંદ થાય છે કે ઈ-ઓક્શનની સફળતાપૂર્વક પૂર્ણ થવાથી સોશિયલ ઈન્ફ્રાને વધુ પ્રોત્સાહન મળે છે, આનાથી ધોલેરાના વિકાસ માટે એક નવી શરૂઆત થઈ છે કારણ કે તે હોસ્પિટાલિટીમાં પ્રથમ રોકાણ છે. ધોલેરા SIR પાસે પહેલાથી જ વિશ્વની સર્વશ્રેષ્ઠ ઈન્ફ્રાસ્ટ્રક્ચર છે જેમાં યુટિલિટીનો બેન્ચમાર્ક વિશ્વમાં શ્રેષ્ઠ છે. આનાથી ધોલેરા ખાતે ઉત્પાદન એકમો સ્થાપવા ઉત્સુક હોય તેવા વિવિધ ઉદ્યોગો માટે જરૂરી આદર્શ આતિથ્યનું નિર્માણ થશે. આ સ્પર્ધાત્મક બિડિંગ પ્રક્રિયાને પણ ચિહ્નિત કરે છે અને રોકાણકારોનો વિશ્વાસ વધારશે.”

વરિષ્ઠ અધિકારીએ ઉમેર્યું કે, “228 એકર જમીન SIR પ્રદેશમાં પ્રવાસન અને મનોરંજન પ્રવૃત્તિઓ માટે સમર્પિત કરવામાં આવી છે. આ ક્ષેત્રના આર્થિક વિકાસને વેગ આપે છે અને ઈન્ફ્રાસ્ટ્રક્ચરને વેગ આપે છે.”

આ ધોલેરા SIRમાં હોટેલ પ્લોટની પ્રથમ સફળ હરાજી માં વિજય નેહરા જેવા સારા અને નિષ્ઠાવાન અધીકારીઓની સારી કામગીરી વખાણને પાત્ર બની છે.  ધોલેરા SIRએ હોટલ વિકસાવવા માટે એક્ટિવેશન એરિયા (T.P. સ્કીમ નંબર 2 A) ની અંદર હાઈ એક્સેસ કોરિડોર ઝોનમાં આવતા પ્લોટ 307 (ભાગ)ની ઈ-ઓક્શન નોટિસ જારી કરી હતી. ઘણી સબમિટ કરેલી ઓનલાઈન અરજીઓમાંથી ત્રણ પાત્ર હોવાનું નક્કી કરવામાં આવ્યું હતું. આ પ્રદેશમાં હોસ્પિટાલિટી ઉદ્યોગને ફાળવવામાં આવેલો આ પ્રથમ પ્લોટ હશે, જે વ્યવસાય અને શહેરી વિકાસ માટે મુખ્ય સ્થાન બની ગયું છે. સ્પર્ધાત્મક બિડ મેસર્સ અજુ રયોકન એનસીઆર પ્રાઇવેટ લિમિટેડ દ્વારા જીતવામાં આવી છે.

ધોલેરા તાલુકાના 22 ગામોનો થશે વિકાસ

આશરે 920 ચો.કિ.મી.ના વિસ્તાર અને અમદાવાદ જિલ્લાના ધોલેરા તાલુકાના 22 ગામોને આવરી લેતા વ્યાપક વિસ્તાર પર DSIRનું આયોજન કરવામાં આવ્યું છે. DMIC પ્રદેશમાં DFC અંતર્ગત વિસ્તાર સાથે આયોજિત રોકાણ નોડમાં આ અત્યાર સુધીનું સૌથી મોટું નોડ હશે. આ નોડ વ્યૂહાત્મક રીતે વડોદરા, અમદાવાદ, રાજકોટ, સુરત અને ભાવનગરના ઔદ્યોગિક શહેરો વચ્ચે સ્થિત છે.

સૌથી નજીકનું આંતરરાષ્ટ્રીય એરપોર્ટ અમદાવાદમાં છે અને ગુજરાત સરકાર ધોલેરા ઇન્ટરનેશનલ એરપોર્ટ કંપની લિમિટેડ (DIACL) દ્વારા સૂચિત રોકાણ ક્ષેત્રના ઉત્તર-પૂર્વમાં અન્ય આંતરરાષ્ટ્રીય એરપોર્ટ વિકસાવવાની યોજના ધરાવે છે. એનઆઈસીડીસી લિમિટેડ ડીએસઆઈઆરડીએના સમર્થન સાથે, વિશ્વસ્તરીય ઈન્ફ્રાસ્ટ્રક્ચર અને ઉચ્ચતમ ગુણવત્તાયુક્ત જીવન ધોરણો અને શહેરી સ્વરૂપમાં ટકાઉપણાં સાથે આર્થિક અને સામાજિક રીતે સંતુલિત નવા યુગનું શહેર બનાવવાની યોજના ધરાવે છે. આ નવા યુગના શહેરનો ઉદ્દેશ પડોશી શહેરો અને દેશના બાકીના ભાગો સાથે એક ટકાઉ શહેરી પરિવહન પ્રણાલી અને મોબાઇલ/કાર્યક્ષમ પ્રાદેશિક જોડાણનો છે.

AJU જાપાનીઝ હોટેલ્સ જૂથે ગુરુગ્રામ (હરિયાણા), માનેસર (હરિયાણા), નીમરાણા (રાજસ્થાન), અમદાવાદ અને વિઠ્ઠલાપુર (ગુજરાત)નો સમાવેશ કરીને હોટેલનું વિસ્તરણ કર્યું છે. માંડલ બેચરાજીમાં, તેઓ મારુતિ સુઝુકી લિ.ના જાપાની પ્રતિનિધિઓને પહેલેથી જ સેવા પૂરી પાડે છે.

આ પણ વાંચો :ગુજરાત: 5 IAS અધિકારીઓની બઢતી સાથે બદલી, વિજય નેહરાને વધારાનો ચાર્જ સોંપાયો