વિપક્ષી ગઠબંધનનું નામ I.N.D.I.A રાખવા પર દિલ્હી પોલીસ સ્ટેશનમાં ફરિયાદ, લગાવ્યા આ આરોપ

વિપક્ષી ગઠબંધનને I.N.D.I.A નામ આપવા બદલ દિલ્હીના બારાખંબા પોલીસ સ્ટેશનમાં ફરિયાદ દાખલ કરવામાં આવી છે. અવનીશ મિશ્રા નામના વ્યક્તિએ વિપક્ષના 26 રાજકીય પક્ષો વિરુદ્ધ પોલીસ સ્ટેશનમાં ફરિયાદ નોંધાવી છે. એવું કહેવામાં આવ્યું છે કે I.N.D.I.A નામનો રાજકીય લાભ માટે ઉપયોગ કરી શકાય નહીં.

विपक्षी एकता का नया नाम "INDIA"
I – Indian
N – National
D – Developmental
I – Inclusive
A – Alliance#JDU #NitishKumar#MahaGathbandhan#UnitedWeStand#oppositionmeeting #bengaluru pic.twitter.com/ttsk7g0aVN

— Janata Dal (United) (@Jduonline) July 18, 2023

અવનીશ મિશ્રાએ પોતાની ફરિયાદમાં કહ્યું છે કે I.N.D.I.A નામ અંગત ફાયદા માટે રાખવામાં આવ્યું છે, તેનાથી અમારી ભાવનાઓને ઠેસ પહોંચી છે.

કયા 26 પક્ષો સામે ફરિયાદ?

આ 26 પક્ષોમાં કોંગ્રેસ, આમ આદમી પાર્ટી, જેડીયુ, તૃણમૂલ કોંગ્રેસ, ડીએમકે, રાષ્ટ્રીય જનતા દળ, જેએમએમ, શિવસેના (યુબીટી), એનસીપી, સમાજવાદી પાર્ટી, આરએલડી, અપના દળ (કમેરાવાદી), જમ્મુ અને કાશ્મીર નેશનલ કોન્ફરન્સ, પીડીપી, સીપીઆઈએમ, સીપીઆઈ અને કમ્યુનિસ્ટ પાર્ટી ઓફ ઈન્ડિયા (માર્ક્સિસ્ટ-લેનિનિસ્ટ) લિબરેશનનો સમાવેશ થાય છે.

આ સિવાય આરએસપી, ઓલ ઈન્ડિયા ફોરવર્ડ બ્લોક, મારુમાલાર્ચી દ્રવિડ મુનેત્ર કઝગમ, વિદુથલાઈ ચિરુથાઈગલ કાચી, કોંગુનાડુ મક્કલ દેસિયા કાચી, મનીથનેયા મક્કલ કાચી અને ઈન્ડિયન યુનિયન મુસ્લિમ લીગ સહિત ઘણી પાર્ટીઓ છે.

I.N.D.I.A નું પૂરું નામ શું છે?

કોંગ્રેસ અધ્યક્ષ મલ્લિકાર્જુન ખડગેએ બેંગલુરુમાં 26 વિપક્ષી દળોની બેઠકમાં કહ્યું કે ‘અમારા ગઠબંધનનું નામ ‘ઇન્ડિયન નેશનલ ડેવલપમેન્ટલ ઇન્ક્લુઝિવ એલાયન્સ ( I.N.D.I.A )’ હશે. તમામ પક્ષોએ સર્વસંમતિથી આ પ્રસ્તાવને ટેકો આપ્યો હતો.

ભાજપ પર નિશાન સાધ્યું

વિરોધ પક્ષોના ગઠબંધનના નવા નામ પર કટાક્ષ કરતા આસામના CM હિમંતા બિસ્વા સરમાએ દાવો કર્યો કે દેશનું નામ અંગ્રેજોએ ‘ I.N.D.I.A ‘ રાખ્યું હતું અને રાષ્ટ્રને “વસાહતી વારસો”માંથી મુક્ત કરવા માટે લડવું જોઈએ.

આ પણ વાંચોઃ વિપક્ષી પાર્ટીઓનું ગઠબંધન’INDIA’તરીકે ઓળખાશે, જાણો આ નામ રાખવા પાછળનું કારણ

તેમણે ટ્વિટર પર કહ્યું, “અમારો સભ્યતાનો સંઘર્ષ ‘ઈન્ડિયા અને ભારત’ની આસપાસ કેન્દ્રિત છે. અંગ્રેજોએ આપણા દેશનું નામ ‘ઈન્ડિયા’ રાખ્યું. આપણે આપણી જાતને સંસ્થાનવાદી વારસામાંથી મુક્ત કરવાનો પ્રયાસ કરવો જોઈએ.સરમાએ કહ્યું કે આપણે INDIA માટે કામ કરવાનું ચાલુ રાખવું જોઈએ.

કોંગ્રેસે જવાબ આપ્યો

કોંગ્રેસે સરમાની ટિપ્પણી પર વળતો પ્રહાર કરતા કહ્યું કે, ” I.N.D.I.A ” શબ્દમાં વસાહતી માનસિકતાની સમાનતા વિશે પીએમ મોદીને જણાવવું જોઈએ, જેમણે “સ્કિલ ઈન્ડિયા” અને “ડિજિટલ ઈન્ડિયા” જેવા અનેક સરકારી કાર્યક્રમોનું નામ આપ્યું છે.