શેરબજારમાં પ્રથમવાર સેન્સેક્સ 67,000ને પાર, બેન્કિંગ અને IT શેરોમાં ઉછાળો

Stock Market at Record High: આજે શેરબજાર ઐતિહાસિક ટોચે પહોંચ્યું છે અને સેન્સેક્સે પ્રથમ વખત 67,000ની સપાટી વટાવી છે. 67,007.02 ના સ્તર સુધી જઈને સેન્સેક્સે દર્શાવ્યું છે કે ભારતીય શેરબજારની મજબૂતાઈ ચાલુ છે. સેન્સેક્સના 30માંથી 18 શેરો તેજી સાથે કારોબાર કરી રહ્યા છે.

બજાર કયા સ્તરે છે

BSEનો સેન્સેક્સ 353.43 પોઈન્ટ એટલે કે 0.53 ટકાના વધારા સાથે 66,943.36 ના સ્તર પર છે. આ સિવાય NSEનો નિફ્ટી 85.20 પોઈન્ટ એટલે કે 0.43 ટકાના વધારા સાથે 19,796.65 પર ટ્રેડ કરી રહ્યો છે. આજે નિફ્ટીના 50 શેરોમાંથી 28 ઉપર અને 22 ડાઉન છે.

ક્ષેત્રીય સૂચકાંકની સ્થિતિ

સેક્ટરલ ઈન્ડેક્સ પર નજર કરીએ તો ઓટો સિવાય FMCG, મીડિયા, મેટલ, PSU બેન્ક, રિયલ્ટી અને હેલ્થકેર ઈન્ડેક્સમાં ઘટાડો જોવા મળી રહ્યો છે. આ સિવાય બેંક નિફ્ટી, પ્રાઈવેટ બેંક, ફાઈનાન્સિયલ સર્વિસ, આઈટી શેરોમાં તેજી સાથે કારોબાર જોવા મળી રહ્યો છે.

સવારે બજાર કયા સ્તરે ખુલ્યું  

શેરબજારની આજની શરૂઆતની વાત કરીએ તો BSEનો 30 શેરો વાળા ઈન્ડેક્સ સેન્સેક્સ 239.03 પોઈન્ટ એટલે કે 0.36 ટકાના વધારા સાથે 66,828.96 ના સ્તર પર ખુલ્યો. આ સિવાય એનએસઈનો 50 શેરવાળો ઈન્ડેક્સ નિફ્ટી 76.05 પોઈન્ટ અથવા 0.39 ટકાના વધારા સાથે 19,787.50 ના સ્તર પર ખુલવામાં સફળ રહ્યો છે. આ તેનો નવો રેકોર્ડ ઉચ્ચ સ્તર હતો.

સેન્સેક્સના કયા શેરોમાં તેજી જોવા મળી 

ઈન્ફોસિસ, આઈસીઆઈસીઆઈ બેંક, એચસીએલ ટેક, એનટીપીસી, એક્સિસ બેંક, એચડીએફસી બેંક, રિલાયન્સ ઈન્ડસ્ટ્રીઝ, પાવરગ્રીડ, એશિયન પેઈન્ટ્સ, વિપ્રો, ટીસીએસ, ટેક મહિન્દ્રા, વિપ્રો, એમએન્ડએમ, આઈટીસી, બજાજ ફિનસર્વ અને ઈન્ડસઈન્ડ સેન્સેક્સ પર ફાયદાકારક છે. બેંક શેરમાં તેજી સાથે જોવા મળી રહી છે.

સેન્સેક્સના કયા શેરોમાં જોવા મળ્યો ઘટાડો

ટાઈટન, ટાટા મોટર્સ, સન ફાર્મા, બજાજ ફાઈનાન્સ, અલ્ટ્રાટેક સિમેન્ટ, ભારતી એરટેલ, ટાટા સ્ટીલ, નેસ્લે, મારુતિ, એસબીઆઈ, કોટક મહિન્દ્રા બેંક અને જેએસડબલ્યુ સ્ટીલના શેરો ઘટાડા સાથે ટ્રેડ થઈ રહ્યા છે.

આ પણ વાંચો-પહેલા iPhoneની રિયલ પ્રાઈસ કરતા 400 ગણી વધુ કિંમતમાં હરાજી, જાણો કેટલામાં વેચાયો