સીમા હૈદરે ખુલાસો કર્યો કે સચિન પાકિસ્તાન આવવા માગતો હતો, જાણો કેમ ના પાડી

આખા દેશમાં સીમા હૈદરની ચર્ચા થઈ રહી છે. સીમાની રીલ ઈન્સ્ટાગ્રામ પર વાયરલ થઈ રહી છે. તે યુટ્યુબ પર તેની ચેનલને સબસ્ક્રાઇબ કરવા માટે અપીલ કરી રહી છે. તે કહે છે કે અત્યારે હું અને મારા પતિ સચિન કોઈ કામ નથી કરી રહ્યા. ઘરે બેઠા. મીડિયાના લોકો આવે છે, વાત કરે છે અને જતા રહે છે. અમને કોઈ મદદ કરતું નથી. તેથી જ મેં એક YouTube ચેનલ બનાવી છે જેથી મારા પતિને થોડી મદદ મળી શકે. આશ્ચર્યની વાત એ છે કે થોડા દિવસોમાં 28 વર્ષની સીમા હૈદરના પણ લાખો ફોલોઅર્સ થઈ ગયા છે. તાજેતરના અહેવાલો મુજબ, UP ATS સીમા હૈદર અને સચિનની પૂછપરછ કરી રહી છે. સોમવારે પણ ATSએ સીમા, સચિન અને સચિનના પિતાની લગભગ આઠ કલાક પૂછપરછ કરી હતી. પૂછપરછ દરમિયાન સીમાએ જણાવ્યું કે સચિન પહેલા તેણે અન્ય કેટલાક છોકરાઓ સાથે વાત કરી હતી. આ તમામ નોઈડા-દિલ્હીના રહેવાસી હતા.

આ પણ વાંચો: શું સીમા હૈદર પાકિસ્તાની જાસુસ છે? UP ATSને મળી મહત્વની કડીઓ

સચિન પાકિસ્તાન જવાનો હતો પરંતુ સીમાએ રોક્યો:

નેપાળ થઈને ગેરકાયદેસર રીતે ભારત પહોંચેલી સીમાએ દાવો કર્યો છે કે પહેલા સચિન પાકિસ્તાન આવવા માંગતો હતો પરંતુ સીમાએ તેને ના પાડી દીધી હતી. સીમાએ કહ્યું કે તેના હાથમાં ઓમ લખેલું હતું. જો સચિન પાકિસ્તાનમાં પકડાયો હોત તો તેની સાથે ખરાબ વ્યવહાર કરવામાં આવોત અને જો સચિન પાકિસ્તાન આવ્યો હોત તો તે ગાયબ પણ થઈ ગયો હોય. સચિને આ વિશે એવો પણ દાવો કર્યો છે કે તે પાકિસ્તાન જવા માંગતો હતો. તેણે પાકિસ્તાન જવાની સંપૂર્ણ તૈયારી કરી લીધી હતી. તેણે પોતાનો પાસપોર્ટ બનાવવા માટે પણ અરજી કરી હતી. સચિનના ઘરે આ સાથે સંબંધિત કાગળો પણ હાજર છે.

પાકિસ્તાનમાં રહીને સીમાએ કરવાચૌથનું વ્રત પણ કર્યું હતું:

ઉલ્લેખનીય છે કે, આ મામલે કાર્યવાહી કરતા ગૌતમ બુદ્ધ નગર પોલીસે સીમા, સચિન અને પિતા નેત્રપાલની 3 જુલાઈએ ધરપકડ કરી હતી. જે બાદ કોર્ટે તેને 7 જુલાઈએ જામીન આપ્યા હતા. સીમા પાકિસ્તાનથી પોતાની સાથે 4 બાળકોને પણ લાવી છે. તેણી કહે છે કે તે સચિનની સલાહ પર જ બાળકોને પોતાની સાથે લાવી હતી. સચિને કહ્યું હતું કે તમારા વિના બાળકો પાકિસ્તાનમાં એકલા કેવી રીતે જીવશે.

આ પણ વાંચો: સીમા હૈદર UP ATSની કસ્ટડીમાં, પાકિસ્તાની આર્મી કનેક્શન સામે આવ્યું

સીમાના પતિ ગુલામ હૈદરે કહ્યું કે, ‘હું હજી પણ પ્રેમ કરુ છું’

સીમાના પતિ ગુલામ હૈદરનું કહેવું છે કે તે હજુ પણ તેની પત્નીને પ્રેમ કરે છે. ગુલામ હૈદરની માંગ છે કે સીમાને બાળકો સાથે પાકિસ્તાન મોકલવામાં આવે. જોકે સીમાનું કહેવું છે કે તે સચિનને ​​જ પ્રેમ કરે છે અને પાકિસ્તાન જવા માંગતી નથી. તે કહે છે કે તેણે પાકિસ્તાનમાં રહીને સચિન માટે કરાવવાચૌથ અને નવરાત્રીના ઉપવાસ પણ કર્યા છે. એક ઈન્ટરવ્યુમાં તેણે કહ્યું હતું કે પબજી રમતી વખતે તેને સચિન સાથે પ્રેમ થઈ ગયો હતો.

જો કે, સૂત્રો પાસેથી જાણવા મળ્યું છે કે સીમાના કાકા અને ભાઈ પાકિસ્તાન આર્મીમાં ફરજ બજાવે છે. જેના કારણે સીમાની જાસૂસ હોવાની શંકા વધી રહી છે. જો કે સુરક્ષા એજન્સીઓ આ મામલામાં ચાંપતી નજર રાખી રહી છે.

આ પણ વાંચો: NDAના 38 પક્ષોની મહાબેઠક: મહાગઠબંધન સામે શક્તિપ્રદર્શન કે બીજું કંઇ?