લાઈવ કોન્સર્ટના સ્ટેજ પરથી ઢળી પડ્યો બાદશાહ, વીડિયો થયો વાયરલ

બાદશાહનો એક વિડીયો વાયરલ થયો છે. જેને લઈને બાદશાહએ પ્રતિક્રિયા આપી છે. વિડીયોમાં એક ગાયક લાઈવ કોન્સર્ટના સ્ટેજ પરથી પડી જાય છે. આ વીડિયો જોઈને લોકો કહી રહ્યા હતા કે તે રેપર બાદશાહનો છે. ચાહકોને ચિંતા થઈ રહી હતી કે બાદશાહને વધુ પડતું નુકસાન ન થયું હોય. તે જ સમયે, ઘણા લોકો આ વીડિયોને સોશિયલ મીડિયા પર શેર કરી રહ્યા છે. હવે બાદશાહે આ વાયરલ વીડિયો પર પ્રતિક્રિયા આપી છે. તેણે કહ્યું છે કે તે આ વીડિયોમાં નથી.

વાયરલ વીડિયોમાં એક ગાયક દર્શકોની નજીક સ્ટેજ પર ગીત ગાઈ રહ્યો છે. તે બ્લેક ટી-શર્ટ, મેચિંગ શોર્ટ્સ અને વ્હાઇટ સ્નીકરમાં જોવા મળે છે. તે બિલકુલ રેપર બાદશાહ જેવો દેખાય છે. ગીત ગાતી વખતે અચાનક તેનું સંતુલન બગડી જાય છે અને તે સ્ટેજ પરથી ખરાબ રીતે પડી જાય છે. તેમની ટીમ તરત જ મદદ માટે આગળ આવે છે.

Thats not me, but whoever that is i hope he is safe 🙏 https://t.co/27nVDwjIFW

— BADSHAH (@Its_Badshah) July 17, 2023

બાદશાહે હવે આ વીડિયો પર પ્રતિક્રિયા આપી છે. બાદશાહએ કહ્યું ”ભાઈ, હું બિલકુલ ઠીક છું. હું કોઈ સ્ટેજ પરથી પડ્યો નથી. તેણે આગળ કહ્યું- હું બિલકુલ સુરક્ષિત છું. મારા હાથ-પગ બધા ઠીક છે. તેના બદલે, જે વ્યક્તિ સ્ટેજ પરથી પડી ગયો છે, મને આશા છે કે તે ઠીક છે.”બાદશાહે સોશિયલ મીડિયા પર વાયરલ વીડિયો પણ શેર કર્યો છે. વીડિયો શેર કરતા તેણે લખ્યું- આ હું નથી પરંતુ જે પણ છે, મને આશા છે કે તમે સારા હશો. બાદશાહના ટ્વીટ પર ટિપ્પણી કરતા ઘણા લોકોએ કહ્યું છે કે વીડિયોમાં તે પંજાબી સિંગર એલી મંગત છે.

આ પણ વાંચો : આદિત્ય રોય કપૂર અને અનન્યા પાંડેની વેકેશન તસવીર થઇ વાયરલ