PM કિસાન યોજનાના 14મા હપ્તાની ટ્રાન્સફરની તારીખ જાહેર, 8.5 કરોડ ખેડૂતોને મળશે લાભ

PM કિસાન યોજનાના 14મા હપ્તાની લાંબા સમયથી રાહ જોઈ રહેલા ખેડૂતો માટે સારા સમાચાર છે. PM કિસાન યોજનાનો 14મો હપ્તો ખેડૂતોને ટ્રાન્સફર કરવાની તારીખ સરકાર દ્વારા જાહેર કરવામાં આવી છે. 28 જુલાઈએ દેશના 8.5 કરોડ ખેડૂતોના બેંક ખાતામાં બે હજાર રૂપિયાની રકમ ટ્રાન્સફર કરવામાં આવશે.

મળતી માહિતી મુજબ રાજસ્થાનના નાગૌર જિલ્લામાં પીએમ કિસાન યોજનાનો 14મો હપ્તો ટ્રાન્સફર કરવા માટે એક કાર્યક્રમ રાખવામાં આવ્યો છે, જેમાં પીએમ મોદી પોતે બટન દબાવીને ખેડૂતોના ઓનલાઈન ખાતામાં પૈસા મોકલશે. આ કાર્યક્રમમાં મોટી સંખ્યામાં ખેડૂતો પણ ભાગ લેશે.

આ પણ વાંચો: ભોપાલથી દિલ્હી જઈ રહેલી વંદે ભારત એક્સપ્રેસમાં આગ ,30 થી વધુ લોકો હતા સવાર

સરકાર કેટલા પૈસા ટ્રાન્સફર કરશે?

સરકાર દ્વારા આપવામાં આવેલી માહિતી અનુસાર, વડાપ્રધાન મોદી 28 જુલાઈએ દેશભરના 8.5 કરોડ ખેડૂતોને PM કિસાન યોજનાનો 14મો હપ્તો જાહેર કરશે. ડાયરેક્ટ બેનિફિટ ટ્રાન્સફર એટલે કે DBT દ્વારા બે હજાર રૂપિયા સીધા ખેડૂતોના ખાતામાં મોકલવામાં આવશે.

PM કિસાન યોજના શું છે?

પ્રધાનમંત્રી કિસાન સન્માન નિધિ યોજના અથવા પીએમ કિસાન હેઠળ, સરકાર તમામ પાત્ર ખેડૂતોને એક વર્ષ દરમિયાન નિયત અંતરાલમાં ત્રણ હપ્તામાં રૂ. 6,000 આપે છે. આ નાણાં DBT દ્વારા સીધા ખેડૂતોના બેંક ખાતામાં ટ્રાન્સફર થાય છે. આ યોજના દ્વારા સરકારનો પ્રયાસ નાના ખેડૂતોને સીધી મદદ કરવાનો છે. તે ફેબ્રુઆરી 2019 માં ચાલુ કરવામાં આવ્યું છે.

PM કિસાન યોજનામાં નોંધણી તેની સત્તાવાર વેબસાઇટ pmkisan.gov.in પર જઈને કિસાન ઓનલાઈન અરજી કરી શકે છે. આ સાથે, તમે અહીં તપાસ કરી શકો છો કે તમારું નામ આ યોજનાના લાભાર્થીઓની યાદીમાં સામેલ છે કે નહીં.

યોજનાનો લાભ મેળવવા માટે, તમારા જમીનના રેકોર્ડની ચકાસણી સાથે eKYC હોવું જરૂરી છે. તેમજ બેંક ખાતું NPCI સાથે જોડાયેલ હોવું જોઈએ.

આ પણ વાંચો: રાજ્યસભા ચૂંટણી: BJPના ત્રણેય ઉમેદવારો બિનહરિફ ચૂંટાયા, જાણો ક્યારે શપથવિધિ