ભોપાલના રાણી કમલાપતિ સ્ટેશનથી નિઝામુદ્દીન તરફ જઈ રહેલી વંદે ભારત એક્સપ્રેસના કોચમાં આગ લાગવાની માહિતી સામે આવી છે.આજે સવારે રાણી કમલાપતિથી હઝરત નિઝામુદ્દીન જવા નીકળેલી વંદે ભારત ટ્રેનના C-14 કોચમાં આગ લાગી હતી. કોચમાં લાગેલી બેટરીમાંથી આગ લાગી હતી. દુર્ઘટના સમયે ટ્રેનમાં ઘણા મુસાફરો અને વીઆઈપી હતા.આગની જાણ થતાં જ ટ્રેનને રોકી દેવામાં આવી હતી અને તમામ મુસાફરોને સલામત રીતે બહાર કાઢીને ફાયર બ્રિગેડે આગ પર કાબૂ મેળવ્યો હતો. સુરક્ષા તપાસ બાદ ફરી એકવાર ટ્રેનને પ્રવાસ પર રવાના કરવામાં આવી છે.
વંદે ભારત એક્સપ્રેસમાં આગ
રેલ્વે તરફથી પ્રાપ્ત માહિતી અનુસાર ભોપાલ-હઝરત નિઝામુદ્દીન વંદે ભારત એક્સપ્રેસ સવારે 5:40 વાગ્યે રાણી કમલાપતિ સ્ટેશનથી નીકળી હતી. બીના સ્ટેશન પહોંચતા પહેલા કુરવાઈ કેથોરા ખાતે ટ્રેનના સી 14 કોચમાં અચાનક આગ ફાટી નીકળી હતી. આ કોચમાં 36 મુસાફરો હતા. દુર્ઘટનાની જાણ થતાં જ સવારે 7:10 વાગ્યે ટ્રેનને કુરવાઈ ખાતે રોકી દેવામાં આવી હતી અને મુસાફરોને સલામત રીતે બહાર કાઢવામાં આવ્યા હતા. ફાયર બ્રિગેડની ટીમે ઘટના સ્થળે પહોંચી આગને કાબુમાં લીધી હતી.
#WATCH | Madhya Pradesh | A fire was reported in battery box of one of the coaches in a Vande Bharat Express at Kurwai Kethora station. Fire brigade reached the site and extinguished the fire. All passengers are safe. No injuries reported. The fire is limited to Battery Box Only.… pic.twitter.com/E2s9ED99VH
— ANI MP/CG/Rajasthan (@ANI_MP_CG_RJ) July 17, 2023
અકસ્માતમાં કોઈ જાનહાનિ નહીં
ટ્રેનમાં મુસાફરી કરી રહેલા યાત્રીઓનું કહેવું છે કે કોચમાં સીટની નીચેથી આગ લાગવાનો અવાજ આવ્યો હતો. અવાજ સાંભળીને મુસાફરો ડરી ગયા અને ત્યાંથી ભાગ્યા. જ્યારે ટ્રેન ઉભી રહી ત્યારે ખબર પડી કે બેટરીમાં આગ લાગી હતી. આ ટ્રેનમાં આઈએસ અવિનાશ લાવાનિયા, કોંગ્રેસ નેતા અજય સિંહ સહિત અનેક વીઆઈપી મુસાફરી કરી રહ્યા હતા. ઘટનાની જાણકારી મળ્યા બાદ સમગ્ર ટ્રેનને ખાલી કરાવવામાં આવી છે.
મધ્યપ્રદેશની પ્રથમ વંદે ભારત એક્સપ્રેસ
ભોપાલના રાણી કમલાપતિ સ્ટેશનથી નિઝામુદ્દીન અને પછી રાણી કમલાપતિ સુધી દોડનારી આ ટ્રેન મધ્યપ્રદેશની પ્રથમ વંદે ભારત એક્સપ્રેસ છે. 1 એપ્રિલ 2023 ના રોજ, પીએમ મોદીએ તેને ફ્લેગ ઓફ કર્યું. તેની સત્તાવાર દોડ 2 એપ્રિલથી શરૂ થઈ હતી.
આ પણ વાંચો : પાટણ : સોશિયલ મીડિયામાં પોસ્ટ મુકવા મામલે જૂથ અથડામણ, 6થી વધુ લોકો ઈજાગ્રસ્ત
