બનાસકાંઠા : ડીસામાંથી દારૂ ભરેલી બે કાર ઝડપાઈ

• પોલીસે દારૂ સહિત રૂ.8,00,000 નો મુદ્દામાલ જપ્ત
• બે બુટલેગરોની અટકાયત :એક ફરાર

પાલનપુર : ડીસા તાલુકા પોલીસ સ્ટેશનની હદ માંથી એલસીબી પોલીસે અલગ અલગ જગ્યાએથી દારૂ ભરેલી બે કાર ઝડપી લઇ દારૂ સહિત રૂપિયા 8,00,000 ઉપરાંતનો મુદ્દામાલ જપ્ત કર્યો હતો. એક કારમાંથી પોલીસે બે બુટલેગરોને અટકાાત કરી હતી જ્યારે એક કાર ચાલક કાર મૂકી ફરાર થઈ ગયો હતો.

આ અંગેની વિગત એવી છે કે રાજસ્થાનમાંથી ગુજરાતમાં મોટાપાયે દારૂની હેરાફેરી થતી હોવાથી બનાસકાંઠા પોલીસ વડા અક્ષય રાજ મકવાણા ની સૂચનાથી એલસીબી પોલીસની અલગ અલગ ટીમો ડીસા ધાનેરા હાઇવે વિસ્તારમાં પેટ્રોલિંગમાં હતી. આ દરમિયાન એલસીબી પોલીસને બાતમી મળી હતી કે, ડીસાના વિરોલ થી વીરુના થઈ ભડથ તરફ દારૂ ભરેલી કાર નંબર gj 1 dx 1443 જઈ રહી છે.જેથી પોલીસે વીરુના પાસે ગાડી આવતા ગાડી ઉભી રખાવાની કોશિશ કરતા ચાલક ગાડી ભગાડીને ભડથ તરફ ભાગી ગયો હતો. જો કે આગળ જતા ટાયર ફૂટી જતા રસ્તા ની બાજુમાં ઝાડ સાથે ગાડી અથડાઈ હતી અને ચાલક નાસી છૂટ્યો હતો. પોલીસે તપાસ કરતા કારમાંથી દારૂ અને બિયરના ટીન નંગ 1260 કિંમત રૂપિયા 1,39,236 નો મળી આવ્યો હતો. પોલીસે રૂપિયા 3 લાખની કાર સહિત દારૂનો જથ્થો જપ્ત કરી નસી છૂટેલ આરોપી સિદ્ધરાજસિંહ વાઘેલા રહેવાસી ખારીયા, તા. કાંકરેજ વિરુદ્ધ ગુનો નોંધી વધુ તપાસ હાથ ધરી છે.

જ્યારે બીજા બનાવમાં ધાનેરા તરફથી દારૂ ભરીને ગાડી આવતી હોવાની બાતમી મળતા એલસીબી પોલીસે વોચ ગોઠવતા એક સ્વીફ્ટ ગાડી નંબર ડીએલ 02 4742 ને ઝડપી લીધી હતી. જેમાંથી વિદેશી દારૂની બોટલ અને બિયરના ટીન મળી 480 નંગ કિંમત રૂપિયા 57,000 નો દારૂ મળી આવ્યો હતો. પોલીસે આ અંગે ગાડી ચાલક રેવદરસિંહ મફુસિંહ વાઘેલા રહેવાસી લાખણી તથા અરવિંદભાઈ શંકરલાલ વજીર રહેવાસી લાખણી બંનેની ધરપકડ કરી રૃપિયસસ 3 લાખની કાર તેમજ 10,000 નો મોબાઈલ નો મુદ્દા માલ જપ્ત કર્યો હતો.
આમ એલસીબી પોલીસે ડીસામાંથી બે અલગ અલગ દારૂ ભરેલી કાર ઝડપી કુલ રૂપિયા ૮ લાખ ઉપરાંત નો મુદ્દામાલ જપ્ત કર્યો હતો.

આ પણ વાંચો : બનાસકાંઠા : અંબાજી ભાદરવી પૂનમ મહામેળાના આયોજનને લઈ યોજાઈ બેઠક