પ્યાર કે લિયે કુછ ભી કરેગા ! દિપીકા માટે હેલિકોપ્ટરમાંથી લગાવી છલાંગ
બોલિવૂડ એક્ટર રણવીર સિંહે હંમેશા ફિલ્મી પડદે પોતાની કાબેલિયત સાબિત કરી છે, પરંતુ, વાસ્તવિક જીવનમાં તે રોમાન્સ કિંગ છે તે હકીકતને કેવી રીતે અવગણી શકાય. તે પોતાની પ્રેમિકા દીપિકા પાદુકોણ પ્રત્યેના પ્રેમને ક્યાંય પણ વ્યક્ત કરવામાં શરમાતો નથી. હવે ફરી એકવાર રણવીર સિંહે દીપિકા પ્રત્યેના પ્રેમને સાહસિક રીતે સાબિત કરી દીધો છે અને આ જોઈને તમે ચોક્કસથી ઉડી જશો.
‘Man Vs Wild’ની નવી સીઝનમાં રણવીર સિંહની ધમાકેદાર એન્ટ્રી થશે. આ નવી સીઝનનું નામ છે રણવીર સિંહ Vs વાઇલ્ડ વિથ બેર ગ્રિલ્સ. આ સાહસિક સિરીઝનું ટ્રેલર રિલીઝ થઈ ગયું છે, જેમાં રણવીર સિંહ જંગલ, પહાડો અને પ્રાણીઓની વચ્ચે બેર ગ્રિલ્સ સાથે એડવેન્ચર કરતો જોવા મળે છે. જોકે, દીપિકા માટે રણવીર સિંહનો પ્રેમ જ દિલ જીતી રહ્યો છે.
ટ્રેલર વિડિયોની શરૂઆતમાં જ રણવીર સિંહ કહે છે કે, તે તેની પ્રેમિકા માટે એક ફૂલ તોડશે, જે ક્યારેય મરતું નથી, જેમ કે તેની પત્ની માટેનો પ્રેમ છે. વીડિયોની શરૂઆતમાં રણવીરને કહેતા સાંભળી શકાય છે, “જીદ, તારો કમ્ફર્ટ ઝોન છોડવાની જીદ. આ સૌથી મુશ્કેલ બનશે, પરંતુ આ જીદ તેને ક્યાંથી લાવે છે, મને ખબર નથી.
દિપીકા માટે રણવીરે માટે ફૂલો તોડ્યા
રણવીર સિંહ વીડિયોમાં જણાવે છે કે, લોકો પ્રેમ માટે શું નથી કરતા, આવી સ્થિતિમાં તે જોખમો સાથે રમશે અને દીપિકા માટે ફૂલ તોડશે. તે કહે છે, “લોકો પ્રેમ માટે ચાંદ અને તારાઓ લાવે છે, પરંતુ હું દીપિકા માટે એક ખાસ ફૂલ તોડવા જઈ રહ્યો છું. મારા પ્રેમની જેમ આ ફૂલ ક્યારેય મરતું નથી.” આ પછી, તે હેલિકોપ્ટરમાંથી કૂદીને ફૂલો તોડે છે.
રણવીર સિંહ OTT પ્લેટફોર્મ પર ‘Man Vs Wild’થી ડેબ્યૂ કરવા જઈ રહ્યો છે. તમને 8 જુલાઈ 2022 ના રોજ Netflix પર રણવીરનું આ મજેદાર સાહસ જોવા મળશે.
