તિબ્બતની આઝાદી માટે લડતા દલાઇ લામા બોલ્યા- “અમે ચીનનો હિસ્સો બનીને રહેવા તૈયાર”

તિબેટ: લાંબા સમયથી તિબેટની આઝાદી માટે લડી રહેલા બૌદ્ધ નેતા દલાઈ લામાએ આજે ​​ચીનને લઈને મોટું નિવેદન આપ્યું છે. તેમણે કહ્યું કે તેઓ તિબેટને ચીનથી અલગ કરીને આઝાદી ઈચ્છતા નથી. દલાઈ લામાએ કહ્યું છે કે ચીનના ઘણા લોકો તેમની સાથે વાત કરવાનો પ્રયાસ કરી રહ્યાં છે. બૌદ્ધ ધર્મગુરુએ કહ્યું કે ચીને સમજવું પડશે કે તિબેટના લોકોની જીવનશૈલી અને સંસ્કૃતિ અલગ છે. ચીને આ વાત સ્વીકારવી જોઈએ.

હિમાચલ પ્રદેશમાં મીડિયા સાથે વાત કરતા બૌદ્ધ નેતા દલાઈ લામાએ કહ્યું કે હા, હું હંમેશા વાતચીત માટે તૈયાર છું. ચીને સમજવું જોઈએ કે તિબેટના લોકો આધ્યાત્મિક રીતે ખૂબ જ મજબૂત છે, તેમણે તિબેટની સમસ્યાના ઉકેલ માટે મારી સાથે વાત કરવી જોઈએ. તેમ ણે કહ્યું કે હું પણ તૈયાર છું. અમને આઝાદી જોઈતી નથી, અમે ઘણા વર્ષોથી નક્કી કર્યું છે કે અમે ચીનનો હિસ્સો રહેવા તૈયાર છીએ, ચીન બદલાઈ રહ્યું છે, ચીન મારો ઔપચારિક કે અનૌપચારિક સંપર્ક કરવા માંગે છે.

દલાઈ લામાએ કહ્યું- હું કોઈથી નારાજ નથી

આધ્યાત્મિક ગુરુએ કહ્યું, “મારો જન્મ તિબેટમાં થયો હતો અને મારું નામ દલાઈ લામા છે, પરંતુ તિબેટના ભલા માટે કામ કરવા ઉપરાંત, હું તમામ સંવેદી જીવોના કલ્યાણ માટે કામ કરું છું. મેં આશા ગુમાવ્યા વિના મારાથી બનતું બધું કર્યું છે.” દલાઈ લામાએ કહ્યું કે હું કોઈનાથી નારાજ નથી, ચીનના નેતાઓથી પણ નહીં કે જેમણે તિબેટ પ્રત્યે કઠોર વલણ અપનાવ્યું છે. અસલમાં ચીન ઐતિહાસિક રીતે બૌદ્ધ દેશ છે, જ્યારે હું ત્યાં ગયો ત્યારે મેં ઘણા મંદિરો અને મઠો જોયા.

દલાઈ લામા ચીનનો ભાગ બનવા તૈયાર છે

ઉલ્લેખનીય છે કે, દલાઈ લામા હંમેશા ચીન પર તિબેટ પર કબજો કરવાનો આરોપ લગાવતા રહ્યાં છે. તેમણે તિબેટની આઝાદી માટે વૈશ્વિક મંચ પરથી પોતાનો અવાજ ઉઠાવ્યો છે. આધ્યાત્મિક નેતાએ ચીન પર તિબેટીયનોને ત્રાસ આપવાનો આરોપ પણ લગાવ્યો છે પરંતુ હવે તેમનું નિવેદન અલગ છે અને તેઓ ચીનનો ભાગ બનવા તૈયાર છે.

દલાઈ લામાનો 88મો જન્મદિવસ

6ઠ્ઠી જુલાઈએ બૌદ્ધ ધર્મના ગુરુ દલાઈ લામાનો 88મો જન્મદિવસ હતો. આ પ્રસંગે વડાપ્રધાન નરેન્દ્ર મોદીએ તેમને ફોન કરીને જન્મદિવસની શુભેચ્છા પાઠવી હતી. એક ટ્વિટમાં પીએમ મોદીએ કહ્યું કે ધાર્મિક નેતા દલાઈ લામાના 88મા જન્મદિવસના અવસર પર તેમણે હાર્દિક શુભેચ્છાઓ પાઠવી. હું તેમને લાંબા અને સ્વસ્થ જીવનની શુભેચ્છા પાઠવું છું.

આ પણ વાંચો-મહેસુલ વિભાગના અધિકારીઓની કાયદાકીય ગૂંચવણ; ખેડૂત પોતે જ લઈ શકતો નથી “ખેડૂત પ્રમાણપત્ર”