બનાસકાંઠા: જુનાડીસા નજીક હીટ એન્ડ રનની ઘટના, મહિલાને ગંભીર ઇજા
પાલનપુર: ડીસા – પાટણ હાઈવે પર હિટ એન્ડ રનની ઘટના સામે આવી છે. જેમાં અજાણ્યા બોલેરો ગાડીના ચાલકે રાહદારી મહિલાને અડફેટે લેતા ગંભીર ઇજા પહોંચી હતી.જ્યારે અકસ્માત બાદ ગાડી ચાલક ત્યાંથી ફરાર થઈ ગયો હતો.
ડીસા – પાટણ હાઈવે પર આવેલ જુનાડીસા પાસે રવિવારે બપોરના સમયે હીટ એન્ડ રનની ઘટનામાં એક મહિલાને ગંભીર ઇજા પહોંચી છે. જુનાડીસા ગામે રહેતા 50 વર્ષીય રાવબેન સોલંકી રોડ પરથી પસાર થઈ ગયા હતા. તે સમયે પુરપાટ ઝડપે આવી રહેલા એક અજાણ્યા બોલેરો ગાડીનો ચાલક મહિલાને અડફેટે લીધી હતી. ગાડીની ટક્કર વાગતા અકસ્માતમાં રોડ પર પટકાતા મહિલાને ગંભીર ઇજા પહોંચી હતી.
અકસ્માત બાદ બોલેરો ગાડીનો ચાલક ત્યાંથી ફરાર થઈ ગયો હતો જ્યારે ઘટનાની જાણ થતા જ આજુબાજુના લોકોએ દોડી આવી જાણ કરતા 108 એમ્બ્યુલન્સની ટીમ પણ બનાવ સ્થળે પહોંચી હતી અને ગંભીર રીતે ઇજાગ્રસ્ત મહિલાને સારવાર માટે ડીસાની સરકારી હોસ્પિટલમાં ખસેડી હતી.જ્યારે મહિલાના પરિવારજનોએ પોલીસ મથકે ફરિયાદ કરવાની તજવીજ હાથ કરી હતી.
આ પણ વાંચો :કયાં કારણોસર વિપક્ષ નેતાને મળ્યું સીધું ડેપ્યુટી CMનું પદ?
