બેગ છે કે કોહિનૂર! મીઠાના દાણા કરતા નાની સાઇઝની બેંગની 51 લાખમાં થઈ હરાજી, જાણો ખાસિયત

• મીઠાના દાણાથી નાની થેલીની 51 લાખ રૂપિયામાં હરાજી કરવામાં આવી હતી.
• આ બેગ ન્યુયોર્ક આર્ટ ગ્રુપ MSCHF દ્વારા બનાવવામાં આવી છે
• આ પીળા અને લીલા રંગની બેગ પ્રખ્યાત લુઈસ વીટનની ડિઝાઇન (Louis Vuitton) પર આધારિત છે. આને શોર્ટમાં LV પણ કહે છે.

મીઠાના દાણાથી નાની થેલીની 51 લાખ રૂપિયામાં હરાજી કરવામાં આવી છે. આ હેન્ડબેગ એટલી નાની છે કે તેના ખરીદનારને આ બેગ સાથે ડિજિટલ ડિસ્પ્લે સાથે માઇક્રોસ્કોપ પણ આપવામાં આવે છે. આ બેગનો ફોટો સોશિયલ મીડિયા પર ઝડપથી વાયરલ થઈ રહ્યો છે.

મીઠાના દાણાથી પણ નાની હેન્ડબેગ 51 લાખ રૂપિયામાં વેચાઈ

તમે વિશ્વમાં એક કરતાં વધુ મોંઘી વસ્તુઓ વિશે સાંભળ્યું જ હશે. એવી ઘણી વસ્તુઓ છે જેને જોઈને તેમની કિંમતનો અંદાજ લગાવવો મુશ્કેલ બની જાય છે.તમને જાણીને નવાઈ લાગશે કે મીઠાના દાણાથી પણ નાની હેન્ડબેગ 51 લાખ રૂપિયામાં વેચાઈ છે. આ બેગ ઓનલાઈન હરાજીમાં વેચાઈ હતી. પીળા અને રાખોડી રંગની આ નાની બેગ પ્રખ્યાત લુઈસ વીટનની (Louis Vuitton, LV) ડિઝાઇન પર બનાવવામાં આવી છે. આ બેગ ન્યુયોર્ક આર્ટ ગ્રુપ MSCHF દ્વારા બનાવવામાં આવી છે.

નરી આંખે જોઈ નથી શકાતી આ બેગ

મીડિયા રિપોર્ટ્સ અનુસાર, આ બેગની પહોળાઈ 0.03 ઈંચથી વધુ છે. આ હેન્ડબેગનું કદ 657 ગુણ્યા 222 ગુણ્યા 700માઈક્રોમીટર છે. જે સોયમાંથી પણ નીકળી શકે છે એટલું નાનુ એનુ કદ છે. આ મહિનાની શરૂઆતમાં, જ્યારે MSCHF એ તેના Instagram હેન્ડલ પર બેગની તસવીર પોસ્ટ કરી, ત્યારે તેણે સોશિયલ મીડિયા પર ધમાલ મચાવી દીધી. MSCHF એ કેપ્શનમાં લખ્યું છે કે આ બેગ દરિયાઈ મીઠાના દાણા કરતા નાની છે.

આ રીતે બનાવવામા આવી

માહિતી અનુસાર, આ બેગ બે ફોટો પોલિમરાઇઝેશનનો ઉપયોગ કરીને બનાવવામાં આવી છે. તેનો ઉપયોગ માઇક્રો-સ્કેલ પ્લાસ્ટિકના ભાગોને 3D પ્રિન્ટ કરવા માટે થાય છે.આ બેગને બેગ પર ડિજિટલ ડિસ્પ્લે સાથે માઇક્રોસ્કોપ વડે વેચવામાં આવી છે, જેનાથી ખરીદનાર ઉત્પાદન જોઈ શકે છે.આ બેગનો ફોટો સોશિયલ મીડિયા પર ઝડપથી વાયરલ થઈ રહ્યો છે. ઘણા યુઝર્સ કોમેન્ટ કરીને પૂછી રહ્યા છે કે આ બેગનો શું ઉપયોગ છે.

આ પણ વાંચો : વડોદરા વન વિભાગે ભારે જહેમત બાદ 10 ફૂટના મગરનું કર્યું રેસ્ક્યું