‘Fighter’નો ફર્સ્ટ લુક ઋતિક રોશને શેર કર્યો, કેપ્શનમાં ફિલ્મની રિલીઝ ડેટ જાહેર કરી

બોલિવૂડના હેન્ડસમ હંક ઋતિક રોશને તેની આગામી એક્શન-થ્રિલર ફિલ્મ ‘Fighter’નો ફર્સ્ટ લુક રિલીઝ કર્યો છે. અભિનેતાના આ દેખાવે ફિલ્મને લઈને ચાહકોની ઉત્સુકતા વધારી દીધી છે. જણાવી દઈએ કે ઋતિકે તેના લુકની સાથે ફિલ્મની રિલીઝ ડેટ પણ જાહેર કરી છે.

Fighter First Look

રિતિક રોશને પોતાના twitter એકાઉન્ટ પર ‘Fighter’નો ફર્સ્ટ લૂક શેર કર્યો છે. આ તસવીરમાં ઋતિકનો ચહેરો દેખાતો નથી. તે ફાઈટર જેટ પાસે કેમેરા તરફ પીઠ રાખીને ઉભો જોવા મળે છે. ભલે તસવીરમાં અભિનેતાનો ચહેરો દેખાતો ન હોય, પરંતુ તેના લુક્સ પરથી અંદાજ લગાવી શકાય છે કે ઋતિક આ ફિલ્મમાં વધુ સ્માર્ટ લાગશે.

#Fighter #25Jan2024 #7MonthsToFighter pic.twitter.com/64p6n4C2h6

— Hrithik Roshan (@iHrithik) June 26, 2023

ઋતિકે કેપ્શનમાં ‘Fighter’ની રિલીઝ ડેટ જણાવી

પ્રશંસકો સાથે આ તસવીર શેર કરતાં ઋતિક રોશને કેપ્શનમાં લખ્યું- ‘હેશટેગ ફાઇટર..હેશટેગ 25જાન્યુ24..હેશટેગ ફાઇટર માટે સાત મહિના. ઋતિકની આ પોસ્ટ જોઈને તેના ફેન્સ ખૂબ જ ખુશ છે અને કોમેન્ટ સેક્શનમાં અભિનેતા માટે હાર્ટ ઈમોજી બનાવી રહ્યા છે. તમને જણાવી દઈએ કે બોલિવૂડની સુપર સેક્સી વુમન એટલે કે દીપિકા પાદુકોણ આ ફિલ્મમાં ઋતિક રોશન સાથે જોવા મળશે. બંને ફિલ્મ દ્વારા પહેલીવાર સ્ક્રીન શેર કરશે.

આ દિગ્ગજ કલાકારો ફિલ્મમાં હશે

સિદ્ધાર્થ આનંદની ફિલ્મમાં ઋતિક રોશન અને દીપિકા પાદુકોણ સિવાય બોલિવૂડના એવરગ્રીન એક્ટર અનિલ કપૂર પણ જોવા મળશે. જણાવી દઈએ કે સિદ્ધાર્થ આનંદ સાથે ઋતિક રોશનની આ ત્રીજી ફિલ્મ છે.. અગાઉ તે સિદ્ધાર્થની ફિલ્મ ‘બેંગ બેંગ’ અને ‘વોર’માં જોવા મળ્યો હતો. ‘વોર’માં તેની સાથે ટાઇગર શ્રોફ પણ હતો.