શું યુપીમાં માફિયારાજ થયુ ખતમ? શું કહ્યું સીએમ YOGIએ?

ઉત્તર પ્રદેશના મુખ્યમંત્રી યોગી આદિત્યનાથ રવિવારે(25 જૂન) ગૌતમ બુદ્ધ નગરના પ્રવાસે હતા. આ દરમિયાન, મુખ્યમંત્રીએ જિલ્લા માટે રૂ. 1,718.66 કરોડના મૂલ્યની 124 લોક કલ્યાણ યોજનાઓનું ઉદ્ઘાટન/શિલારોપણ કર્યું હતું. તેમણે કહ્યું કે ડબલ એન્જિન સરકારમાં ગૌતમ બુદ્ધ નગરની તસવીર બદલાઈ ગઈ છે.

આ દરમિયાન મુખ્યમંત્રી યોગી આદિત્યનાથે વિપક્ષી પાર્ટીઓ પર જોરદાર નિશાન સાધ્યું હતું. યોગીએ કહ્યું કે જે લોકોએ લોકતંત્રને રગદોળ્યુ હતું તે લોકો સાથે આજે સમાજવાદી પાર્ટી, રાષ્ટ્રીય લોકદળ, જેડીયુ અને જેપીના અનુયાયીઓ કહેવાતા પાર્ટીઓના વડાઓ સાંઠ ગાંઠ કરી રહ્યા છે. યોગીએ કહ્યું કે ભ્રષ્ટાચારના કારનામા છુપાવવાનો સમાજવાદી પાર્ટીનો જૂનો ઈતિહાસ રહ્યો છે.

સપાએ કોંગ્રેસને માંગ્યા વગર સમર્થન આપ્યુંઃ યોગી

યોગીએ કહ્યું કે સમાજવાદી પાર્ટીએ વર્ષ 2004માં કોંગ્રેસને માંગ્યા વગર જ સમર્થન આપ્યું હતું. યોગીએ કહ્યું કે કોંગ્રેસને સમર્થન જોઈતું નહોતું, પરંતુ સપાએ જબરદસ્તીથી ચિપકો આંદોલનના રૂપમાં પોતાને અગ્રણી ભૂમિકામાં બતાવવા માટે તે કામ કર્યું હતું. ફરી એકવાર સમાજવાદી પાર્ટી પોતાના એ જ ઈતિહાસનું પુનરાવર્તન કરવા જઈ રહી છે.

‘યુપીમાં ઋતુની જેમ ઠંડક પામ્યા છે માફિયાઓ’

યોગીએ વધુમાં કહ્યું કે માત્ર ત્રણ દિવસ પહેલા જ હું બલરામપુર, આંબેડકર નગર, બલિયા અને ગોરખપુર જિલ્લામાં ગયો હતો જ્યાં ખૂબ જ ગરમી હતી, પરંતુ જ્યારે હું પશ્ચિમ ઉત્તર પ્રદેશ તરફ આવી રહ્યો હતો ત્યારે મને લાગ્યું કે પશ્ચિમ ઉત્તર પ્રદેશમાં ગરમી હશે. સીએમ યોગીએ કહ્યું કે હવામાન એટલુ ધન્ય છે કે જે રીતે ઉત્તર પ્રદેશમાં માફિયાઓ ઠંડક પામ્યા છે તેવી જ રીતે હવામાન પણ ઠંડુ થઈ ગયું છે.

‘જેવર એરપોર્ટ માટે જમીન આપનાર ખેડૂતોનો આભાર’

યોગીએ કહ્યું કે પહેલા લોકો અહીં આવતા ન હતા, દિલ્હી જતા હતા કારણ કે અહીં વ્યવસ્થા સારી ન હતી. પરંતુ છેલ્લા છ વર્ષમાં પરિસ્થિતિ બદલાઈ છે. આજે આ પ્રોજેક્ટ્સનું ઉદ્ઘાટન થઈ રહ્યું છે અને ગ્રેટર નોઈડામાં રોબોટિક મેન્યુફેક્ચરિંગનું ઉદ્ઘાટન થઈ રહ્યું છે. એશિયાનું સૌથી મોટું એરપોર્ટ, મેડિકલ ડિવાઇસ પાર્ક, ફિલ્મ સિટી પણ બની રહી છે. વિવિધ પ્રકારની યોજનાઓ કાર્યરત છે, જેની એક સમયે માત્ર કલ્પના જ કરવામાં આવી હતી. મુખ્યમંત્રીએ કહ્યું કે છ વર્ષ પહેલા જેવરની શું હાલત હતી? જે વસ્તુઓની પહેલા કલ્પના થતી હતી તે હવે થઈ રહી છે. જેવર એરપોર્ટ માટે જમીન આપનાર ખેડૂતોનો આભાર.

UPના મુખ્યમંત્રીએ કહ્યું કે કાશી પણ અમારી સાથે છે, અયોધ્યા પણ અમારી સાથે છે અને નોઈડા પણ અમારી સાથે છે. દુનિયાની અંદર જ્યાં પણ સનાતનીઓ છે ત્યાં દરેક લોકો જાન્યુઆરી 2024માં રામમંદિરના નિર્માણની રાહ જોઈ રહ્યા છે.

આ પણ વાંચો: રાહુલ ગાંધીની પ્રેમની દુકાનને લઈને આપના નેતા સૌરભ ભારદ્વાજનું નિવેદન