ફરાહ અને શાહરૂખ ખાન 9 વર્ષ પછી સાથે જોવા મળશે
શાહરૂખ ખાન જવાન ફિલ્મના શૂટિંગમાં વ્યસ્ત છે ત્યારે તેના નવા પ્રોજેક્ટની માહિતી સામે આવી છે.એવા અહેવાલ છે કે તે ફરી ફરાહ ખાન સાથે કામ કરવા જઈ રહ્યો છે. શાહરૂખ ખાન અને ફરાહ ખાન નવ વર્ષ બાદ ફરી એકસાથે આવવાની તૈયારી કરી રહ્યાં છે. બંનેએ છેલ્લે 2014માં આવેલી ફિલ્મ હેપ્પી ન્યૂ યરમાં સાથે કામ કર્યું હતું. જે બાદ હવે બંને એક સાથે કામ કરવા જઈ રહ્યા છે.
આ વખતે શાહરૂખ અને ફરાહ નિર્માતા અને દિગ્દર્શક તરીકે સાથે કામ કરતા જોવા મળશે એવું લાગે છે.શાહરૂખ ફરાહ ખાનની નવી મસાલા ફિલ્મ પ્રોડ્યુસ કરવા જઈ રહ્યો છે. સૂત્રોએ આઉટલેટને જણાવ્યું, ‘પહેલાં,એક સ્ટુડિયો તેનું સમર્થન કરવા જઈ રહ્યું હતું અને શાહરૂખ ખાનને હેડલાઇનર બનાવવાનો વિચાર પણ ચર્ચામાં હતો,પરંતુ હવે વાર્તામાં ફેરફાર કરવામાં આવ્યો છે.’ફરાહ દ્વારા નિર્દેશિત તમામ ફિલ્મોમાં શાહરૂખ જોવા મળ્યો હતો.જોવાનું એ રહેશે કે ફરાહ શાહરૂખને લીડ રોલમાં કાસ્ટ કરવામાં સક્ષમ છે કે નહીં. ફરાહ અને શાહરૂખ માત્ર નજીકના મિત્રો જ નથી પરંતુ તેમના દ્વારા નિર્દેશિત તમામ ફિલ્મોમાં પણ કામ કર્યું છે.
આ પણ વાંચો : આ સિંગરને ડેટ કરી રહી છે જાહ્નવીની બહેન ખુશી કપૂર?
