કંગના રનૌત બની ઈન્દિરા ગાંધી, ‘Emergency’નું ટીઝર શેર કરીને કહ્યું- ‘ભારત ઈઝ ઈન્દિરા’
બોલિવૂડની અભિનેત્રી કંગના રનૌત ભલે તેના નિવેદનોને લઈને વિવાદોમાં ફસાયેલી હોય, પરંતુ તેનું પર્ફોમન્સ દરેક વખતે લોકોના મોં બંધ કરી દે છે. કંગના તેના શબ્દો અને તેના કામથી દરેકને યોગ્ય જવાબ આપે છે. છેલ્લા ઘણા દિવસોથી કંગના તેની આગામી ફિલ્મ ‘Emergency’ને લઈને ચર્ચામાં છે. આ ફિલ્મમાં કંગના પોતે ઈન્દિરા ગાંધીનું મહત્ત્વનું પાત્ર ભજવી રહી છે.
A protector or a Dictator? Witness the darkest phase of our history when the leader of our nation declared a war on it’s people.
🔗 https://t.co/oAs2nFWaRd#Emergency releasing worldwide on 24th November pic.twitter.com/ByDIfsQDM7
— Kangana Ranaut (@KanganaTeam) June 24, 2023
કંગના રનૌતની ‘Emergency’નો પહેલો ટીઝર પ્રોમો રિલીઝ થઈ ગયો છે. પહેલીવાર કંગના પોતે ફિલ્મનું નિર્દેશન કરી રહી છે. આ ફિલ્મ દ્વારા કંગના લીડ ડાયરેક્ટર પણ બની છે. જોકે આ પહેલા તેણે મણિકર્ણિકામાં કો-ડિરેક્ટર બનીને ડિરેક્શનની કમાન પણ સંભાળી હતી. કંગનાએ તેના ઈન્સ્ટાગ્રામ પર ફિલ્મની રિલીઝ ડેટ જાહેર કરી છે. ‘Emergency’ ફિલ્મના ટીઝરની સાથે એ પણ કહેવામાં આવ્યું છે કે આ ફિલ્મ 24 નવેમ્બરે રિલીઝ થશે.
View this post on Instagram
અનુપમ ખેરના અવાજથી શરૂ થયેલું ‘Emergency’ ફિલ્મનું ટીઝર કંગનાના ઈન્દિરાના સંવાદ સાથે સમાપ્ત થાય છે. કંગનાના લુકની સાથે સાથે તેની બોલવાની રીત પણ ઈન્દિરા ગાંધી જેવી છે. તેને જોઈને અને સાંભળીને લોકોને ફિલ્મ પાસેથી ઘણી આશાઓ મળી છે. ટીઝરમાં કંગનાનો ડાયલોગ છે કે મને આ દેશની રક્ષા કરતા કોઈ રોકી નહીં શકે. કારણ કે ‘ઈન્ડિયા ઈઝ ઈન્દિરા અને ઈન્દિરા ઈઝ ઈન્ડિયા’.
View this post on Instagram
ટીઝરની શરૂઆત અખબારમાં બતાવવામાં આવેલા ફોટોગ્રાફ્સ અને હેડલાઇન્સથી થાય છે. જ્યાં વિરોધ કરી રહેલા લોકો પર ગોળીઓ ચલાવતા દર્શાવવામાં આવ્યા છે. લોકોના હાથમાં બેનરો દેખાડવામાં આવ્યા છે, જેના પર લખવામાં આવ્યું છે કે સરમુખત્યારશાહી બંધ કરવી પડશે.
