અમદાવાદમાં ટૂંક સમયમાં ડબલ ડેકર એસી બસો દોડતી જોવા મળશે

અમદાવાદ શહેરના મ્યુનિસિપલ કમિશનરે મીડિયા સાથેની વાતચીતમાં જણાવ્યું હતું કે AMC શાખા AMTS ટૂંક સમયમાં ડબલ ડેકર બસો ખરીદશે. તેમણે કહ્યું કે પ્રથમ તબક્કામાં 25 ડબલ ડેકર બસો ખરીદવામાં આવશે.

AMTS દ્વારા ડબલ-ડેકર બસો દોડાવવામા આવશે

ઉલ્લેખનીય છે કે શહેરમાં ભૂતકાળમાં AMTS દ્વારા ડબલ-ડેકર બસો ચલાવવામાં આવતી હતી પરંતુ તે ધીમે ધીમે બંધ કરવામાં આવી હતી. અમદાવાદમાં છેલ્લા ઘણા સમયથી એક પણ ડબલ ડેકર બસ ચાલી નથી. તેમણે વધુમાં જણાવ્યું હતું કે AMC આગામી બે સપ્તાહમાં 100 એસી બસ ખરીદવા માટે ટેન્ડર જાહેર કરશે. તેમણે કહ્યું કે, એએમટીએસ માટે ભવિષ્યમાં ખરીદવામાં આવનારી તમામ બસો માત્ર એરકન્ડિશન્ડ બસો જ હશે. ખરીદવાની યોજના ધરાવતી 325 નવી બસોમાંથી 300 ઇલેક્ટ્રિક બસો હશે.

AMTS અને BRTSને મર્જ કરવાનું આયોજન

અમદાવાદ તેની બે જાહેર પરિવહન સેવાઓ – અમદાવાદ મ્યુનિસિપલ ટ્રાન્સપોર્ટ સર્વિસ (AMTS) અને બસ રેપિડ ટ્રાન્ઝિટ સિસ્ટમ (BRTS) ને એકીકૃત કરવા માટે અમદાવાદ મ્યુનિસિપલ કોર્પોરેશન (AMC) એ વધું બસો ઉમેરવા અને લઘુત્તમ ભાડું એકસમાન બનાવવાનું નક્કી કર્યું છે.

AMC એ AMTS અને BRTS માટે લઘુત્તમ ભાડું વધારીને રૂ. 5 કર્યું

2014 પછી પ્રથમ વખત ભાડામાં સુધારો કરીને, AMC એ AMTS અને BRTS માટે લઘુત્તમ ભાડું વધારીને રૂ. 5 કર્યું છે. એએમટીએસનું લઘુત્તમ ભાડું રૂ. 3 અને BRTSનું રૂ. 4 હતું. કેન્દ્ર સરકારની અનુદાનનો ઉપયોગ કરીને નાગરિક સંસ્થા 25 ડબલ-ડેકર બસો અને 18 મીટર લંબાઈની 10 ઇલેક્ટ્રિક વેસ્ટિબ્યુલ બસો પણ ખરીદશે.વેસ્ટિબ્યુલ બસો મુખ્ય માર્ગો અને BRTS કોરિડોર પર દોડશે. AMCના વડા એમ તેનરાસને ગુરુવારે આ યોજનાઓની જાહેરાત કરી હતી. તેમણે કહ્યું કે દરખાસ્ત રાજ્ય સરકારને મોકલવામાં આવી છે અને નાગરિક સંસ્થા મંજૂરી પછી આ વાહનો ખરીદશે.

 AMTS અને BRTS ના ભાડા એકસમાન બનાવવાનો નિર્ણય

“લોકો માટે ઇન્ટરચેન્જ સરળ બનાવવા માટે, અમે એએમટીએસ અને બીઆરટીએસના ભાડા એકસમાન બનાવવાનો નિર્ણય કર્યો છે. અમદાવાદ જનમાર્ગ BRTS લિમિટેડ એક પખવાડિયામાં ટેન્ડર દ્વારા 100 નિયમિત કદની 12m CNG બસો ખરીદશે,” AMTSના ટ્રાન્સપોર્ટ મેનેજર આર્જવ શાહે જણાવ્યું હતું.શાહે કહ્યું કે આ નિયમિત બસો કેન્દ્ર સરકારની FAME 2 યોજના હેઠળ ખરીદવામાં આવશે અને AMTS અને BRTS રૂટ પર એકબીજાના બદલે વાપરવામાં આવશે.

મુસાફરો એ જ ટિકિટ સાથે AMTS અને BRTS બસોનો ઉપયોગ કરી શકશે

“AMTS 9m ‘midi’ CNG બસો, 300 midi e-Bos, 25 ડબલ-ડેકર ઈ-બસો અને 10 વેસ્ટિબ્યુલ ઈ-બસો પણ ખરીદશે. નાગરિક સંસ્થા 200 નવી 11m CNG બસો પણ ચલાવશે,” શાહે જણાવ્યું હતું કે, મુસાફરો એ જ ટિકિટ સાથે AMTS અને BRTS બસોનો ઉપયોગ કરી શકશે.

આ પણ વાંચો : સાવરકુંડલા : લવ જેહાદ અને અપહરણના કથિત આરોપીએ પોલીસ કસ્ટડીમાં આપઘાત કરી લેતા ખળભળાટ