એલોન મસ્કની જાહેરાત, ટીવી માટે ટૂંક સમયમાં ટ્વિટરની વીડિયો એપ લોન્ચ કરશે

• ટ્વિટર પર વેરિફાઈડ સભ્યો 8 GB સુધીનો 2 કલાકનો વીડિયો અપલોડ કરી શકશે.

ટ્વિટર સ્માર્ટ ટીવી માટે એક ટ્વિટર વીડિયો એપ લોન્ચ કરી શકે છે. ટ્વિટરના માલિક એલોન મસ્ક કહ્યું છે કે તે આવી રહ્યા છે. ટ્વિટર વીડિયો એપની જરૂરિયાત અંગે સૂચન કરનારી એક ટ્વીટના જવાબમાં મસ્કે કહ્યું કે, તે આવી રહી છે.

ટ્વિટર પર એસ.એમ રોબિન્સન નામના એક યુઝરે કહ્યું, અમને સ્માર્ટ ટીવી માટે એક ટ્વિટર વીડિયો એપની જરૂર છે. હું ટ્વિટર પર એક કલાકનો વીડિયો જોઈ નથી શકતો. રોબિન્સનને જવાબ આપતાં મસ્કે કહ્યું, તે આવી રહી છે. મસ્કની પ્રતિક્રિયા પછી યુઝરે ટ્વીટ કરી કહ્યું, તો તે ખુબજ સારી વાત છે. હું એક આખો દિવસ જોઈ શકું છું, જ્યારે હું યુ-ટ્યૂબનું મારું સબસ્ક્રિપ્શન રદ કરી દઈશ અને તે ફરી ક્યારેય નહીં જોઉં.

એલોન મસ્ક ટ્વિટર પર અનેક ફેરફાર કરી રહ્યા છે અને તેમાંથી એક છે જ્યાં સોશિયલ મીડિયા વીડિયો, નિર્માતા અને કમર્શિયલ ભાગીદારી પર ધ્યાન કેન્દ્રિત કરવાની સંભાવના છે તેમ રોયટરે એક અહેવાલમાં જણાવ્યું હતું.

તાજેતરના સમયમાં મસ્કે કહ્યું હતું કે, ટ્વિટર ટૂંક સમયમાં જ ક્રિએટર્સને તેમના જવાબોમાં અપાયેલી જાહેરાત માટે બ્લોકની સાથે 50 લાખ અમેરિકન ડોલરની ચૂકવણી કરવાનું શરૂ કરશે. ટ્વિટર પણ એક નવું અપડેટ લઈને આવી રહી છે, જ્યાં તે પોતાના વેરિફાઈડ સભ્યોને 2 કલાક લાંબા વીડિયો અપલોડ કરવાની મંજૂરી આપશે. આ અંગે ટ્વીટ કરતાં મસ્કે લખ્યું, ટ્વિટરના વેરિફાઈડ સભ્યો હવે 8 GB સુધીનો 2 કલાકનો વીડિયો અપલોડ કરી શકે છે.

આ પણ વાંચો: મણિપુરમાં શાંતિની અપીલ કરતું રાષ્ટ્રીય સ્વયંસેવક સંઘ