IND vs ENG: ટીમ ઈન્ડિયા ઈંગ્લેન્ડ સામે 5 ટેસ્ટ મેચોની સિરીઝ રમશે, જાણો- ક્યાં રમાશે મેચ
ભારતીય ક્રિકેટ ટીમ વર્ષ 2025માં ઈંગ્લેન્ડનો પ્રવાસ કરશે. આ પ્રવાસમાં ભારત અને ઈંગ્લેન્ડ વચ્ચે 5 ટેસ્ટ મેચની સિરીઝ રમાશે. ઇંગ્લેન્ડ અને વેલ્સ ક્રિકેટ બોર્ડે આ સિરીઝ માટે મેદાનની પસંદગી કરી છે. લોર્ડ્સ ઉપરાંત ભારત અને ઈંગ્લેન્ડ વચ્ચેની ટેસ્ટ શ્રેણી ઓવલ, એજબેસ્ટન, હેડિંગ્લે અને ઓલ્ડ ટ્રેફોર્ડમાં રમાશે. ઈંગ્લેન્ડ અને વેલ્સ ક્રિકેટ બોર્ડે મેદાનોના નામ જાહેર કર્યા છે. આ સિવાય ઈંગ્લેન્ડ અને ઓસ્ટ્રેલિયા વચ્ચે એશિઝ સિરીઝ 2027નું આયોજન યુનાઈટેડ કિંગડમમાં કરવામાં આવશે.
ઈંગ્લેન્ડ અને વેલ્સ ક્રિકેટ બોર્ડે મેદાનોના નામની જાહેરાત કરી
લોર્ડ્સ ઉપરાંત એશિઝ સિરીઝ 2027 એજબેસ્ટન, ટ્રેન્ટ બ્રિજ અને એજીસ બાઉલમાં રમાશે. આ સિવાય ભારતીય ટીમ 2029માં ઈંગ્લેન્ડનો પ્રવાસ કરશે. આ પ્રવાસમાં ટીમ ઈન્ડિયા યજમાન ઈંગ્લેન્ડ સાથે 5 ટેસ્ટ મેચોની સિરીઝ રમશે. આ સિરીઝ માટે પણ ઈંગ્લેન્ડ અને વેલ્સ ક્રિકેટ બોર્ડે મેદાનોના નામ જાહેર કર્યા છે. વર્લ્ડ ટેસ્ટ ચેમ્પિયનશિપની ફાઈનલ મેચ ભારત અને ઓસ્ટ્રેલિયા વચ્ચે ઈંગ્લેન્ડના ઓવલ મેદાન પર રમાઈ હતી. આ મેચમાં ઓસ્ટ્રેલિયાએ ભારતને 209 રનના વિશાળ અંતરથી હરાવ્યું હતું.
શું છે ટીમ ઈન્ડિયાની આગામી સિરીઝનું શેડ્યૂલ?
મહત્વપૂર્ણ છે કે, વર્લ્ડ ટેસ્ટ ચેમ્પિયનશિપ 2023-25 માટે ભારતીય ટીમનું શેડ્યૂલ જાહેર કરવામાં આવ્યું છે. રોહિત શર્માની આગેવાની હેઠળની ભારતીય ક્રિકેટ ટીમ વેસ્ટ ઈન્ડિઝ સામે 2 ટેસ્ટ મેચની સિરીઝ રમશે. બંને ટીમો વચ્ચે ટેસ્ટ સિરીઝ જુલાઈ-ઓગસ્ટ 2023માં રમાશે. આ પછી ભારતીય ટીમ દક્ષિણ આફ્રિકા સામે 2 ટેસ્ટ મેચોની સિરીઝ રમશે. ભારત અને દક્ષિણ આફ્રિકા વચ્ચે ડિસેમ્બર-જાન્યુઆરી 2024માં ટેસ્ટ સિરીઝ રમાશે. ટીમ ઈન્ડિયા જાન્યુઆરી-ફેબ્રુઆરી 2024માં 5 ટેસ્ટ મેચોની શ્રેણી રમશે. ભારતીય ટીમની બાકીની સિરીઝની વાત કરીએ તો, ભારત અને બાંગ્લાદેશ વચ્ચે 2 ટેસ્ટ મેચોની સિરીઝ રમાશે. ભારત-બાંગ્લાદેશ વચ્ચે સપ્ટેમ્બર-ઓક્ટોબર 2024માં ટેસ્ટ સિરીઝ રમાશે.
