ગ્રીન ટીનો વધુ પડતો ઉપયોગ ખતરનાક, જાણો તેની આડ અસરો

ગ્રીન ટી અનેક ગુણોથી ભરપૂર હોય છે, વજન ઘટાડવાથી લઈને ગ્લોઈંગ સ્કિન માટે પણ તે ફાયદાકારક છે. તેમાં મળતું એન્ટીઓક્સીડેન્ટ હૃદય અને મગજ માટે ખૂબ જ ફાયદાકારક છે. ગ્રીન ટી એ ખૂબ જ પ્રિય પીણું છે. પરંતુ શું એ સાચું છે કે ગ્રીન ટી શરીરને જેટલો ફાયદો કરે છે તેટલુ જ તે નુકસાન કરી શકે છે. આપણે ગ્રીન ટીના ફાયદા અને ત્યાર બાદ નુકસાન વિશે જાણીએ.

ફાયદા :   ગ્રીન ટી ત્વચા માટે ખૂબ જ સારી છે. ગ્રીન ટી એન્ટીઓક્સીડેન્ટ ગુણોથી ભરપૂર હોય છે. ખાસ કરીને કેટેચીન્સ, જે ત્વચાને મુક્ત રેડિકલ નુકસાનથી બચાવવામાં મદદ કરે છે. આ એન્ટીઑકિસડન્ટો વૃદ્ધત્વના ચિહ્નોને ઘટાડવામાં મદદ કરી શકે છે અને ત્વચાના એકંદર આરોગ્યને સુધારી શકે છે. પિમ્પલ્સ અને ખીલ માટે ગ્રીન ટી ખૂબ જ સારી છે. તેને પીવાથી અથવા લગાવવાથી ત્વચા પરના લાલ ખીલ તેમજ ખરજવું ઓછું થાય છે. ગ્રીન ટીમાં પોલિફીનોલ્સ હોય છે જે ત્વચાને સૂર્યના અલ્ટ્રાવાયોલેટ કિરણોની હાનિકારક અસરોથી બચાવે છે.

આ પણ વાંચો : કાચું પપૈયું અનેક રીતે ફાયદાકારક..

નુકશાન :  ગ્રીન ટીનો વધુ પડતો ઉપયોગ ન કરો. ગ્રીન ટીના વધુ પડતા ઉપયોગથી ત્વચામાં શુષ્કતા અને બળતરા થઈ શકે છે.જો તમને કેફીનથી એલર્જી હોય તો ગ્રીન ટી ન પીવો. જો તમે દિવસમાં 2-3 કપથી વધુ પીવો છો, તો તમને માઇગ્રેન અને માથાનો દુખાવાની સમસ્યા થઈ શકે છે.

વધુ પડતી ગ્રીન ટી તમારી પાચન પ્રણાલીને પણ બગાડી શકે છે.વધુ પડતી ગ્રીન ટી તમારી ઊંઘની પેટર્નને પણ અવરોધે છે. વધુ પડતા પીવાથી ઉલટી અને ઉબકા પણ આવી શકે છે. જો તેને દિવસમાં ઘણી વખત પીવામાં આવે તો તે ભૂખ પણ ઓછી કરે છે. ખાલી પેટ ગ્રીન ટી પીવાથી પેટમાં બળતરા થાય છે અને વ્યક્તિને કંઈપણ ખાવાનું મન થતું નથી.

આટલું જ નહીં આના કારણે એસિડ બનવા લાગે છે અને પેટમાં દુખાવો પણ થવા લાગે છે.ગ્રીન ટીના વધુ પડતા સેવનથી તમારા શરીરમાં આયર્નની ઉણપ પણ થઈ શકે છે. હકીકતમાં, ગ્રીન ટીમાં હાજર ટેનીન ખોરાક અને પોષક તત્વોમાંથી આયર્નના શોષણમાં દખલ કરે છે. તેનું વધુ પડતું સેવન ગર્ભાવસ્થામાં અથવા બાળકના જન્મ પછી પણ નુકસાન પહોંચાડી શકે છે. જો તમે તેનું વધુ પડતું સેવન કરો છો તો તે તમારા ગર્ભપાતનું કારણ પણ બની શકે છે.

આ પણ વાંચો : ઠંડુ દૂધ પેટની આ બિમારીથી આપશે રાહત……જાણો ઠંડુ દૂધ પીવું કેટલું ફાયદાકારક