મોરબીથી દીકરીને મળવા રાજકોટ જતાં પિતાનું અકસ્માતમાં મોત

ટંકારાનાં ધ્રુવનગર ગામ પાસે ગમખ્વાર અકસ્માતની ઘટના સામે આવી છે. જેમાં ભીમ અગિયારસના દિવસે પોતાની દીકરી અને પરિવારજનોને મળવા માટે રાજકોટ જતા પિતાનું અકસ્માતમાં મોત નિપજ્યું છે.

દિકરીને મળવા જતા પિતાનું મોત

ટંકારા તાલુકાના ધ્રુવ નગર ગામ પાસે રસ્તા ઉપર ત્રિપલ સવારી બાઈક સ્લીપ થઈ જતા અકસ્માત સર્જાયો હતો. જેમાં પોતાની દીકરી અને પરિવારજનોને મળવા માટે રાજકોટ જઈ રહેલા પિતા મોતને રસ્તામાં કાળ ભેંટી ગયો હતો. આજે ભીમ અગિયારસના દિવસે આ વ્યક્તિ પોતાની દીકરી અને પરિવારજનોને મળવા માટે રાજકોટ જતો હતો દરમિયાન ટંકારા તાલુકાના ધ્રુવ નગર ગામ પાસે રસ્તા ઉપર ત્રિપલ સવારી બાઈક સ્લીપ થઈ ગયું હતું. જેના કારણે આ વ્યક્તિનું ઘટના સ્થળે જ મોત નિપજ્યું હતું. જ્યારે આ અકસ્માતમાં બાઈક પર બેઠેલા અન્ય બે વ્યક્તિઓને પણ ઈજા થઇ હોવાથી તેને સારવાર માટે ટંકારાની હોસ્પિટલ ખાતે ખસેડવામા આવ્યા હોવાનું હાલમાં જાણવા મળ્યું છે.

પોલીસે આગળની કાર્યવાહી હાથ ધરી

મળતી માહિતી પ્રમાણે આ ઘટનામાં રાજકોટના દૂધસાગર રોડ ઉપર રહેતા સન્ની અરવિંદભાઈ સુરેલા (ઉ.વ.26) નામના યુવાનને ગંભીર ઇજા થયેલ હોવાથી તેનું મોત નીપજ્યું હતું. તેમજ અન્ય બે વ્યક્તિને ઇજાઓ થઇ હોવાથી તે બંનેને સારવાર માટે હોસ્પિટલ ખસેડવામા આવ્યા હતા. અને આ બનાવની ટંકારા તાલુકા પોલીસને જાણ કરવામાં આવી હતી. જેથી પોલીસે બનાવની નોંધ કરી આગળની કાર્યવાહી હાથ ધરી હતી

આ પણ વાંચો : રાજ્યના આ જિલ્લાઓ માટે આગામી 24 કલાક ભારે, અમદાવાદમાં યલો એલર્ટ