રાજપથમાં વોલીબોલ સમર ટૂર્નામેન્ટ, શીતલ શાહની જીતથી શાનદાર શરૂઆત

કોઈએ શું ખૂબ કહ્યું છે કે, તમે જેટલી જોરથી નીચે પટકાશો એટલા જ ઉંચા ઉછળશો. કંઈક આવા જ વિચાર અને મોટિવેશન સાથે અમદાવાદના રાજપથ ક્લબમાં જામ્યો છે વોલીબોલ ટૂર્નામેન્ટનો જંગ.

અમદાવાદના રાથપથ ક્લબમાં વોલીબોલ સમર ટૂર્નામેન્ટ ચાલી રહી છે. આ ટૂર્નામેન્ટમાં કુલ 23 મેચ રમવામાં આવશે. તેમાંથી છઠ્ઠી લીગ મેચ શીતલ શાહ અને મેહુલ પટેલ વચ્ચે રમાઈ. જેમાં શીતલ શાહની 25-19, 25-21 પોઈન્ટ્સથી જીત થઈ. તો, ટૂર્નામેન્ટમાં રાજપથ કલબની વોલીબોલ કમિટીના ચેરમેન નૈનેશ પટેલ પણ હાજર રહ્યા અને ટૂર્નામેન્ટમાં ભાગ લેનાર તમામ લોકોનો ઉત્સાહ વધાર્યો.

રાજપથ વોલીબોલ સમર ટૂર્નામેન્ટમાં અત્યારે 10 ટીમ બે ગ્રુપમાં રમી રહી છે. બે મહિલા ટીમ પણ આ ટૂર્નામેન્ટમાં ભાગ લઈ રહી છે અને ફાઈનલના દિવસે મેચ પણ રમશે.