200 મિલિયનથી વધુ મિનિટ જોવાનો રેકોર્ડ બનાવ્યો…. જાણો કઈ છે આ ફિલ્મ
‘સિર્ફ એક બંદા કાફી હૈ’ એક ક્રાઈમ કોર્ટરૂમ ડ્રામા છે, જેમાં મનોજ બાજપેયી ‘પીસી સોલંકી’ નામના વકીલના પાત્રને જીવંત કરતા જોવા મળે છે. આ ફિલ્મનું નિર્દેશન અપૂર્વ સિંહ કાર્કી કરી રહ્યા છે. ઝી સ્ટુડિયો અને ભાનુશાલી સ્ટુડિયોએ આ ફિલ્મનું નિર્માણ કર્યું છે. આ ફિલ્મ સત્ય ઘટનાઓથી પ્રેરિત કોર્ટરૂમ ડ્રામા છે, જે 2013ના આસારામ બાપુના એપિસોડ પર આધારિત હોવાનું કહેવાય છે.મનોજ બાજપેયી ‘પીસી સોલંકી’ તરીકે બાબા દ્વારા અન્યાય કરવામાં આવેલ 16 વર્ષીય સગીરને ન્યાય મેળવવા માટે સંઘર્ષ કરે છે! આ ફિલ્મમાં બતાવવામાં આવ્યું છે કે મનોજ બાજપેયી કેવી રીતે મોટા વકીલો સામે દલીલો કરે છે. આ ફિલ્મમાં મનોજ બાજપેયી સિવાય અદ્રિજા, સૂર્ય મોહન, કૌસ્તવ સિંહા અને નિખિલ પાંડે જેવા કલાકારો પણ મુખ્ય ભૂમિકામાં છે.
આ પણ વાંચો : જુઓ ….નકુલ મહેતાએ ગુલાબી સ્કર્ટમાં કર્યો ધમાકેદાર ડાન્સ
આ ફિલ્મમાં આસારામ બાપુને જેલના સળિયા પાછળ ધકેલી દેનાર વકીલ પૂનમ ચંદ સોલંકીની વાર્તા દર્શાવવામાં આવી છે, જેના પાત્રમાં બાજપેયી જોવા મળે છે.આ ફિલ્મ લોકો દ્વારા પસંદ કરવામાં આવી રહી છે અને તેના કારણે તેણે 200 મિલિયનથી વધુ મિનિટ જોવાનો રેકોર્ડ બનાવ્યો છે. ZEE5 પર 23 મેના રોજ ડેબ્યૂ થયેલી ફિલ્મ ‘સિર્ફ એક બંદા કાફી હૈ’ને માત્ર 5 દિવસમાં રેકોર્ડ બ્રેક વ્યૂઝ મળ્યા છે.જ્યારે ફિલ્મને તેની રિલીઝ પહેલા આસારામના સમર્થકોના વિરોધનો સામનો કરવો પડ્યો હતો, ત્યારે દર્શકો તેને ખૂબ પસંદ કરી રહ્યા છે.’સિર્ફ એક બંદા કાફી હૈ’ની વાર્તા વકીલ સોલંકીની આસપાસ ફરે છે જેઓ સગીર બળાત્કાર પીડિતાને ન્યાય મેળવવા માટે પોતાનું જીવન સમર્પિત કરે છે.આ ફિલ્મમાં બતાવવામાં આવ્યું છે કે કેવી રીતે સોલંકી દેશના જાણીતા વકીલોને હરાવીને આસારામને આજીવન કેદની સજા સંભળાવે છે અને આ દરમિયાન તેને કઈ મુશ્કેલીઓનો સામનો કરવો પડે છે.અપૂર્વ કાર્કી દ્વારા નિર્દેશિત ફિલ્મમાં બાજપેયીના અભિનયના પણ વખાણ થઈ રહ્યા છે.
આ પણ વાંચો : પુત્રના અભ્યાસ પર ભાવુક થઈ માધુરી દીક્ષિત…
હાઈકોર્ટે ફિલ્મ પર પ્રતિબંધ મૂકવાનો ઈન્કાર કર્યો હતો. આસારામે નિર્માતાઓ પર ફિલ્મથી તેમની છબીને કલંકિત કરવાનો આરોપ લગાવ્યો છે. આવી સ્થિતિમાં આસારામ વતી મેકર્સને લીગલ નોટિસ મોકલવામાં આવી હતી.હવે રાજસ્થાન હાઈકોર્ટે આસારામની ફિલ્મ પર પ્રતિબંધ મૂકવાની માંગને ફગાવી દીધી છે.તમને જણાવી દઈએ કે આ મામલાની સુનાવણી 23 મેના રોજ થઈ હતી, પરંતુ કોર્ટે ચુકાદો અનામત રાખ્યો હતો અને જસ્ટિસ પુષ્પેન્દ્ર સિંહ ભાટીએ 26 મેના રોજ ચુકાદો આપ્યો હતો. સોલંકીએ ફિલ્મ રિલીઝ થયા બાદ નિર્માતાઓને નોટિસ પણ મોકલી છે . તેણે નિર્માતાઓ પર બૌદ્ધિક સંપદા અધિકારોનું ઉલ્લંઘન કરવાનો આરોપ લગાવ્યો છે.સોલંકીનું કહેવું છે કે તેમને ગેરમાર્ગે દોરવામાં આવ્યા હતા.
આ પણ વાંચો : સની લિયોનીએ પતિ માટે કેમ આવું લખ્યું?
