- પોલીસે ગાડી સહિત કુલ રૂ.1,29,006નો મુદ્દામાલ જપ્ત કર્યો
- દારૂ ભરાવનાર ઠેકાના સંચાલક સામે ગુનો દાખલ
- આરોપીઓ સામે પ્રોહીબિશન એક્ટ મુજબ ગુનો નોંધાયો
પાલનપુર પાસેથી કારમાં પાછળની સીટ ઉપર બનાવેલા ગુપ્ત ખાનામાંથી વિદેશી દારૂ પકડાયો છે. જેમાં એક કારમાં વિદેશી દારૂ ભરી અમીરગઢ તરફ્થી ખીમાણા ટોલ પ્લાઝા તરફ્ આવનાર છે તેવી પોલીસને બાતમી મળી હતી. જેમાં ગાડી ચેક કરતા તેમા પાછળની સીટ નીચે ગુપ્ત ખાનું બનાવેલું હતું. તેમાં પોલીસે રૂ.1.29 લાખના મુદ્દામાલ સાથે એક શખ્સને ઝડપ્યો છે.
આ પણ વાંચો: અમદાવાદ: પાડોશી સાથે ઝઘડો થતા શખ્સે ફાયરિંગ કરતાં પોતાને જ ગોળી વાગી
પોલીસે ગાડી સહિત કુલ રૂ.1,29,006નો મુદ્દામાલ જપ્ત કર્યો
પાલનપુર તાલુકા પીઆઇ એ.વી. દેસાઈના માર્ગદર્શન હેઠળ પોલીસ સ્ટાફ્ પેટ્રોલિંગમાં હતો. ત્યારે બાતમી મળી હતી કે એક કારમાં વિદેશી દારૂ ભરી અમીરગઢ તરફ્થી ખીમાણા ટોલ પ્લાઝા તરફ્ આવનાર છે. જે બાતમી આઘારે ખેમાણા ટોલ પ્લાઝા પાસે રોડ ઉપર નાકાબંધી કરી પસાર થતી ગાડી ચેક કરતા તેમા પાછળની સીટ નીચે ગુપ્ત ખાનું બનાવેલું હતું. જેમાં વિદેશી દારૂની બોટલ નંગ-226, કિ.રૂ.27,006ની મળી આવી હતી. જેથી પોલીસે ગાડી સહિત કુલ રૂ.1,29,006નો મુદ્દામાલ જપ્ત કરી ગાડીના ચાલક રુપારામ ભેરારામ ભીલ રહે. બેરા બામણીયા, માંડીગઢ, તા. દેસુરી, જિ. પાલી (રાજસ્થાન)ને ઝડપી લીધો હતો.
દારૂ ભરાવનાર ઠેકાના સંચાલક સામે ગુનો દાખલ
દારૂ ભરાવનાર દારુના ઠેકાના સંચાલક ઇશ્વરસિંહ રાણાવત રહે. જીયાપુર, પિંડવાડા, રાજસ્થાન, સેલ્સમેન વિક્રમસિંહ રાણાવત રહે. જીયાપુર, પિંડવાડા, રાજસ્થાન તથા દારુ મંગાવનાર સુનીલભાઇ પ્રજાપતિ રહે. સોલૈયા ગામ, જિલ્લો ગાંધીનગર વિરુધ્ધ પ્રોહીબિશન એક્ટ મુજબ ગુનો નોંધી વધુ તપાસ હાથ ધરી હતી.
