રામ ચરણે જમ્મુમાં G-20 સમિટમાં ‘RRR’ના ‘નાટુ નાટુ’ ગીત પર કર્યો ડાન્સ, જુઓ આ વીડિયો
દક્ષિણ સિનેમાના સુપરસ્ટાર રામ ચરણ જમ્મુ અને કાશ્મીરમાં યોજાનારી G-20 સમિટનો ભાગ બન્યા હતા. જ્યાં તેણે પોતાની ફિલ્મ ‘RRR’ના ગીત ‘નાટુ નાટુ’ પર ડાન્સ પણ કર્યો હતો.બ્લોકબસ્ટર ફિલ્મ ‘RRR’ દ્વારા ચાહકોના હૃદય પર ઊંડી છાપ છોડનાર અભિનેતા રામ ચરણ તાજેતરમાં જમ્મુ અને કાશ્મીરમાં યોજાનારી G-20 સમિટમાં ભાગ લેવા પહોંચ્યા હતા. રામ ચરણ ત્યાં ફિલ્મ ટુરીઝમ પર ચર્ચામાં ભાગ લીધો. આ દરમિયાન તેનો એક વીડિયો સોશિયલ મીડિયા પર સામે આવ્યો છે. જેમાં તે ‘RRR’ના ઓસ્કાર વિજેતા ગીત ‘નાટુ નાટુ’ પર ડાન્સ કરતો જોવા મળે છે.
#WATCH | J&K: Actor Ram Charan dances to the tunes of 'Naatu Naatu' song from RRR movie, in Srinagar. pic.twitter.com/9oZ8c9sYBY
— ANI (@ANI) May 22, 2023
‘નાટુ નાટુ ‘ પર કર્યો ડાન્સ
સાઉથ ઈન્ડસ્ટ્રીમાં મજબૂત ઓળખ ધરાવતા અભિનેતા રામ ચરણ જમ્મુ અને કાશ્મીરમાં યોજાનારી G-20 સમિટનો હિસ્સો બન્યા છે. આ દરમિયાન અભિનેતાએ તેની ફિલ્મ ‘RRR’ ના ગીત ‘નાતુ નાતુ’ પર સ્ટેજ પર ડાન્સ પણ કર્યો હતો. ANI દ્વારા તેના ટ્વિટર એકાઉન્ટ પર આનો એક વીડિયો શેર કરવામાં આવ્યો છે. જેમાં રામ ટ્રેડિશનલ લુકમાં જોવા મળ્યો હતો. તેની પાસે સફેદ કુર્તા પાયજામા સાથે સફેદ જેકેટ છે. વીડિયોમાં તે ‘નાટુ નાટુ’નું હૂક સ્ટેપ કરતો જોવા મળી રહ્યો છે.કાશ્મીર વિશે વાત કરતા રામ ચરણે કહ્યું કે – ‘કાશ્મીર એ જગ્યા છે જ્યાં હું 1986થી આવી રહ્યો છું. મારા પિતાએ અહીં ગુલમર્ગ અને સોનમર્ગમાં ઘણું શૂટિંગ કર્યું છે. ત્યારબાદ મેં 2016માં પણ અહીં શૂટિંગ કર્યું હતું. આ જગ્યાએ કંઈક એવો જાદુ છે, જે દરેકનું ધ્યાન પોતાની તરફ ખેંચે છે. જણાવી દઈએ કે RRR સ્ટાર રામચરણનું શ્રીનગર એરપોર્ટ પર પહોંચતા જ ભવ્ય સ્વાગત કરવામાં આવ્યું હતું. જેની ઘણી તસવીરો પણ વાયરલ થઈ હતી. રામ ચરણ સાઉથના સુપરસ્ટાર ચિરંજીવીના પુત્ર છે. જેમાં અભિનયના ગુણો તેના પિતા તરફથી આવ્યા છે.રામ ચરણની માત્ર સ્ક્રીન પર જ નહીં પણ સોશિયલ મીડિયા પર પણ મજબૂત ફેન ફોલોઈંગ છે. અભિનેતાને 15 મિલિયન લોકો Instagram પર ફોલો કરે છે. જેઓ તેમની દરેક નવી પોસ્ટની આતુરતાથી રાહ જોઈ રહ્યા છે.
આ પણ વાંચો : પ્રિયંકાએ રાઘવને કર્યું તિલક, પરિણીતીને યાદ આવ્યા બહેનના લગ્ન, સોશિયલ મીડિયામાં શેર કર્યા યાદગાર ફોટો
