સોનિયા ગાંધીની તબિયત સ્થિર, 23 જૂને હાજર થવા EDનું સમન્સ
કોંગ્રેસ અધ્યક્ષ સોનિયા ગાંધીની હાલત સ્થિર છે અને તેઓ સ્વસ્થ થઈ રહ્યા છે. અહીં સ્થિત સર ગંગારામ હોસ્પિટલના સૂત્રોએ આ માહિતી આપી છે. સોનિયા ગાંધી 2જી જૂને કોરોના સંક્રમિત થયા હતા. ત્યારબાદ, કોરોનામાં વધુ તબિયત બગડતા 12 જૂને તેમને સર ગંગારામ હોસ્પિટલમાં દાખલ કરવામાં આવ્યા હતા. કોંગ્રેસના કહેવા અનુસાર, હોસ્પિટલમાં દાખલ કર્યા બાદ જાણવા મળ્યું કે તેમના શ્વસન માર્ગમાં ચેપ છે. હોસ્પિટલના સૂત્રોએ જણાવ્યું કે સોનિયા ગાંધીની હાલત સ્થિર છે અને તેઓ સ્વસ્થ થઈ રહ્યા છે.
પાર્ટીના મહાસચિવ જયરામ રમેશે શુક્રવારે જણાવ્યું હતું કે કોંગ્રેસ અધ્યક્ષના નીચલા શ્વસન માર્ગમાં ફંગલ ઇન્ફેક્શન જોવા મળ્યું છે. તેમણે કહ્યું કે આ ચેપ અને કોવિડ-19 ચેપ પછીની સમસ્યાને ધ્યાનમાં રાખીને, તેમની સારવાર ચાલી રહી છે અને તે ડોકટરોની દેખરેખ હેઠળ છે.
એન્ફોર્સમેન્ટ ડિરેક્ટોરેટે સોનિયાની પૂછપરછ કરવી પડશે
બીજી તરફ, એન્ફોર્સમેન્ટ ડિરેક્ટોરેટ એ નેશનલ હેરાલ્ડ સાથે સંબંધિત કથિત મની લોન્ડરિંગના કેસમાં સોનિયા ગાંધીને નવેસરથી સમન્સ જારી કર્યા છે, તેમને 23 જૂને પૂછપરછ માટે હાજર થવા જણાવ્યું છે. સોનિયા ગાંધીને પહેલા 8 જૂને હાજર થવા માટે કહેવામાં આવ્યું હતું પરંતુ કોરોના વાયરસથી સંક્રમિત હોવાને કારણે તેમણે તપાસ એજન્સી સમક્ષ હાજર થવા માટે નવી તારીખ માંગી હતી. તપાસ એજન્સી પહેલાથી જ કોંગ્રેસ નેતા રાહુલ ગાંધીની પૂછપરછ કરી રહી છે અને તેઓ સોમવારે ED સમક્ષ હાજર થશે.
રાહુલ પણ સોનિયા સાથે હોસ્પિટલમાં રોકાયા
કોંગ્રેસના સાંસદે ED તપાસ અધિકારીને પત્ર લખીને તપાસ મોકૂફ રાખવાની વિનંતી કરી હતી કે તે તેમની બીમાર માતા સોનિયા ગાંધી સાથે રહેવા માંગે છે. આ પછી, EDએ કોંગ્રેસ નેતા રાહુલ ગાંધીની નેશનલ હેરાલ્ડ કેસમાં પૂછપરછ 18 જૂન સુધી મુલતવી રાખવાની વિનંતીને સ્વીકારી લીધી. આ રાહત મળ્યા બાદ રાહુલ ગાંધીએ તેમની માતા સોનિયા ગાંધી સાથે દિલ્હીની સર ગંગારામ હોસ્પિટલમાં સમય પસાર કર્યો હતો.
