- કોંગ્રેસના નેતાઓને નેતાએ આપ્યો વળતો જવાબ
- નેતાઓના bio કરતા પક્ષની ચિંતા કરી હોત તો સારું હતું
- વરિષ્ઠ નેતા લક્ષમણ સિંહે બળતામાં ઘી હોમતા વિવાદ
કોંગ્રેસ પાર્ટીના નેતાઓએ શનિવારે દાવો કર્યો હતો કે મધ્ય પ્રદેશ બીજેપી નેતા અને કેન્દ્રીય મંત્રી જ્યોતિરાદિત્ય સિંધિયાએ તેમના ટ્વિટર બાયોમાંથી ‘BJP’ હટાવી દીધી છે. આ સાથે કોંગ્રેસના નેતાઓ ટોણા મારવા લાગ્યા હતા. આના જવાબમાં જ્યોતિરાદિત્ય સિંધિયાએ પોતે મોરચો સંભાળ્યો અને ટ્વીટમાં લખ્યું, “મધ્યપ્રદેશમાં કોંગ્રેસ પાર્ટી પાસે કોઈ સાર્વજનિક મુદ્દો નથી. તેથી જ તે સવાર-સાંજ માત્ર જુઠ્ઠાણા અને પ્રચાર કરે છે. મારા ટ્વિટર bio કરતા જો જનતાનું મન જો વાંચ્યું હોત તો સારું રહેત અને ભ્રષ્ટ સરકાર 15 મહિનામાં જતી ન હોત.”
કોંગ્રેસ નેતા પવન ખેડાનો ટોણો
જ્યોતિરાદિત્ય સિંધિયાના ટ્વીટને રીટ્વીટ કરતા કોંગ્રેસના નેતા પવન ખેડાએ લખ્યું, ‘યે દુનિયા મેરે બાબુલ કા ઘર હૈ, વો મેરા સસુરાલ, જા કે બાબુલ સે નજર કેસે મિલાઉ, ઘર કેસે જાઉં, લગા ચુન્રી મેં દાગ…..”
સિંધિયાને પાર્ટી મિસ કરે છે – લક્ષ્મણ સિંહ
બીજી બાજુ, રાજ્યના રાજકારણમાં કોંગ્રેસના વરિષ્ઠ નેતા દિગ્વિજય સિંહના નાના ભાઈ ધારાસભ્ય લક્ષ્મણ સિંહે એમ કહીને હંગામો તેજ કર્યો કે તેઓ પાર્ટી જ્યોતિરાદિત્ય સિંધિયાને મિસ કરે છે. 2020માં કોંગ્રેસ સામે બળવો કરીને ભાજપમાં જોડાતા સિંધિયા હાલમાં કેન્દ્રીય મંત્રી છે. સિંધિયાએ કોંગ્રેસ છોડતાની સાથે જ મધ્યપ્રદેશમાં કોંગ્રેસની સરકાર લઘુમતીમાં આવી ગઈ અને બાદમાં શિવરાજ સિંહના નેતૃત્વમાં ભાજપની સરકાર બની હતી.
સિંધિયામાં ક્ષમતા છે, તેઓ સારા વક્તા છે
રાજગઢ જિલ્લાના ચાચોડાના ધારાસભ્ય લક્ષ્મણ સિંહે કહ્યું, ‘હું સિંધિયાને યાદ કરું છું કારણ કે તેમની હાજરી કોંગ્રેસ માટે ફાયદાકારક હતી. તેમાં કોઈ શંકા નથી કે સિંધિયામાં ક્ષમતા છે અને તે એક સારા વક્તા છે. નોંધનીય છે કે લક્ષ્મણ સિંહનું આ નિવેદન એવા સમયે આવ્યું છે જ્યારે દિગ્વિજય સિંહે થોડા દિવસો પહેલા કહ્યું હતું કે જો પાર્ટી આદેશ આપે તો તેઓ ગુના લોકસભા સીટ પરથી સિંધિયા સામે ચૂંટણી લડવા માટે તૈયાર છે. સિંધિયા તેમના પરિવારના પરંપરાગત ગઢ ગુનામાંથી 2019ની ચૂંટણી હારી ગયા હતા. પત્રકારો સાથે વાત કરતા લક્ષ્મણ સિંહે એવો પણ દાવો કર્યો હતો કે ભાજપના સેંકડો કાર્યકરો કોંગ્રેસમાં જોડાવા માંગે છે કારણ કે તેઓ ભગવા પાર્ટીથી નારાજ છે અને તેઓ જાણે છે કે આગામી વિધાનસભા ચૂંટણીના પરિણામ શું આવશે.
