સનરાઇઝર્સ હૈદરાબાદને હરાવીને પ્લેઓફમાં પહોંચી ગુજરાત ટાઇટન્સ, જાણો પોઈન્ટ ટેબલની સ્થિતિ

ગુજરાત ટાઈટન્સે સનરાઈઝર્સ હૈદરાબાદને 34 રનથી હરાવ્યું છે. આ સાથે જ આ જીત બાદ ગુજરાત ટાઇટન્સ પ્લેઓફમાં પહોંચનારી પ્રથમ ટીમ બની ગઈ છે. સનરાઇઝર્સ હૈદરાબાદને મેચ જીતવા માટે 189 રનનો ટાર્ગેટ હતો, પરંતુ 20 ઓવરમાં 9 વિકેટે 154 રન જ બનાવી શકી હતી. હવે ગુજરાત ટાઇટન્સના 13 મેચમાં 18 પોઈન્ટ છે. આ સિવાય આ ટીમનો નેટ રન રેટ +0.835 છે. પોઈન્ટ ટેબલમાં હાર્દિક પંડ્યાની ટીમ ટોપ પર છે. તે જ સમયે, મહેન્દ્ર સિંહ ધોનીની આગેવાની હેઠળની ચેન્નાઈ સુપર કિંગ્સ પોઈન્ટ ટેબલમાં બીજા સ્થાને છે.

ગુજરાત ટાઇટન્સની જીત બાદ પોઈન્ટ ટેબલમાં કેટલો ફેરફાર ?

ચેન્નાઈ સુપર કિંગ્સના 13 મેચમાં 15 પોઈન્ટ છે. મહેન્દ્ર સિંહ ધોનીની આગેવાની હેઠળની ચેન્નાઈ સુપર કિંગ્સે અત્યાર સુધીમાં 13 મેચ રમી છે, જેમાં તેણે 7માં જીત મેળવી છે, જ્યારે 5 મેચમાં તેનો પરાજય થયો છે. મુંબઈ ઈન્ડિયન્સ 12 મેચમાં 14 પોઈન્ટ સાથે ત્રીજા નંબર પર છે. જ્યારે લખનૌ સુપર જાયન્ટ્સ 12 મેચમાં 13 પોઈન્ટ સાથે ચોથા નંબર પર છે. આ રીતે, ગુજરાત ટાઇટન્સ ઉપરાંત, ચેન્નાઈ સુપર કિંગ્સ, મુંબઈ ઈન્ડિયન્સ અને લખનૌ સુપર જાયન્ટ્સ ટોપ-4માં છે. આ સાથે જ રોયલ ચેલેન્જર્સ બેંગ્લોર પોઈન્ટ ટેબલમાં પાંચમા નંબર પર છે. ફાફ ડુ પ્લેસિસની ટીમના 12 મેચમાં 12 પોઈન્ટ છે.

શું સનરાઇઝર્સ હૈદરાબાદ પ્લેઓફમાં પહોંચી શકશે?

આ સિવાય રાજસ્થાન રોયલ્સ છઠ્ઠા નંબર પર છે. જ્યારે કોલકાતા નાઈટ રાઈડર્સ સાતમા નંબર પર છે. જ્યારે પંજાબ કિંગ્સ આઠમા નંબર પર યથાવત છે. રાજસ્થાન રોયલ્સ ઉપરાંત કોલકાતા નાઈટ રાઈડર્સ અને પંજાબ કિંગ્સના 12-12 પોઈન્ટ છે. આ સાથે જ સનરાઈઝર્સ હૈદરાબાદ 12 મેચમાં 8 પોઈન્ટ સાથે નવમા ક્રમે છે. જોકે, ગુજરાત ટાઇટન્સ સામેની હાર બાદ સનરાઇઝર્સ હૈદરાબાદની પ્લેઓફમાં પહોંચવાની આશાને ફટકો પડ્યો છે. ડેવિડ વોર્નરની કપ્તાનીવાળી દિલ્હી કેપિટલ્સ 12 મેચમાં 8 પોઈન્ટ સાથે દસમા ક્રમે છે.