ગમખ્વાર અકસ્માત : આબુરોડ નજીક કાર ટ્રક પાછળ ઘૂસી જતાં ફૂઆ- ભત્રીજી સહિત 4 નાં મોત, 8 ઘાયલ

• પાલીથી બેસણામાં માવલ જઈ રહેલા 2 પરિવારોના વાહનને અકસ્માત
• કારની આખી છત ઉડીને ફસાઈ ગઈ,
• ઘાયલ લાંબા સમય સુધી વાહનમાં ફસાયેલા રહ્યા

પાલનપુર : રાજસ્થાનના સિરોહી જિલ્લાના આબુરોડ નજીક ચંદ્રાવતી કટ પાસે પાર્ક કરેલી ટ્રકની પાછળ પાલીથી આવી રહેલી મુસાફરોથી ભરેલી કાર અથડાઈ હતી. આ અકસ્માતમાં 4ના મોત થયા હતા અને 8 ઘાયલ થયા હતા. પાલીમાંથી ભાઈના મૃત્યુ બાદ બેસણામાં જતી વખતે આ દુર્ઘટના ઘટી હતી.કારમાં બંને પરિવારના 12 લોકો સવાર હતા.

પાર્ક કરેલી ટ્રકની પાછળ કાર અથડાઈ

રિકો સ્ટેશન ઓફિસર સુરેશ ચૌધરીએ જણાવ્યું કે ડ્રાઈવર સહિત 8 ઘાયલોને આબુ રોડ હોસ્પિટલમાં દાખલ કરવામાં આવ્યા છે. કારમાં બંને પરિવારના લોકો સવાર હતા. તમામ લોકો પાલી જિલ્લાના સદર પોલીસ સ્ટેશન વિસ્તારના માનપુર ભાકરીના રહેવાસી છે. અકસ્માત એટલો ભયાનક હતો કે કારની આખી છત ઉડીને ફસાઈ ગઈ હતી.

કારમાં પરિવારના 12 લોકો સવાર હતા

ઘાયલો લાંબા સમય સુધી વાહનમાં ફસાયેલા રહ્યા. પોલીસે લોકોની મદદથી ઈજાગ્રસ્તોને કારમાંથી બહાર કાઢી આબુ રોડ પર આવેલી સરકારી હોસ્પિટલમાં લઈ ગયા હતા. શાનુના ભાઈનું 5 એપ્રિલના રોજ અવસાન થયું હતું. મૃત્યુના ચાર દિવસ પછી બેસણામાં જતા હતા. કારમાં શાનુ અને તલસારામના પરિવારના લોકો હતા. આબુરોડ પરત આવતી વખતે આબુ રોડ ચંદ્રાવતી કટ પાસે ક્રુઝર વાહન પાર્ક કરેલી ટ્રક સાથે અથડાયું હતું. અકસ્માતમાં કારની આખી છત ઉડી ગઈ હતી.

માનપુરાના કમનસીબ મૃતક
1: તલસારામ બાબુજી કિર ઉંમર વર્ષ 60
2: શાનું કાલુ કિર ઉંમર વર્ષ 35
3: પિંકી સુરેશ કિર ઉંમર વર્ષ 40
4: બુદારામ પુનારામ કિર ઉમત વર્ષ 55

આ પણ વાંચો : બનાસકાંઠા : ડીસામાં મહિલાઓને ‘ધ કેરલ સ્ટોરી’ ફિલ્મ વિનામૂલ્ય બતાવશે