કુસ્તીબાજોની હડતાળના સ્થળે બેરિકેડ્સનું કરાયું વેલ્ડિંગ, ખેડૂતોએ કર્યો હતો હોબાળો
રેસલિંગ ફેડરેશન ઑફ ઈન્ડિયાના પ્રમુખ બ્રિજ ભૂષણ શરણ સિંહ સામે કુસ્તીબાજોના વિરોધમાં સામેલ થવા માટે ખેડૂતોએ પોલીસ બેરિકેડ્સ તોડી નાખ્યા હતા. દિલ્હી પોલીસે વિરોધ સ્થળ પર કોઈ અપ્રિય ઘટનાનો ઈનકાર કર્યો છે. તેમજ આ પોલીસ બેરીકેટને એકસાથે વેલ્ડીંગ કરવામાં આવ્યા છે. આ ઘટના સાથે સંબંધિત કથિત વીડિયોમાં ખેડૂતો બેરિકેડ્સ પર ચઢીને વિરોધ સ્થળે પ્રવેશવાનો પ્રયાસ કરતા જોવા મળ્યા હતા અને તેમાંથી કેટલાકને ખેંચીને અને ધક્કો મારતા પણ જોવા મળ્યા હતા.
#WATCH | Delhi Police barricades placed at wrestlers' protest at Delhi's Jantar Mantar being welded together after farmers broke through them today to join protesting wrestlers pic.twitter.com/eMLUjDqcCd
— ANI (@ANI) May 8, 2023
નવી દિલ્હીના ડેપ્યુટી કમિશનર ઓફ પોલીસ પ્રણવ તયાલે જણાવ્યું કે આ ઘટના ત્યારે બની જ્યારે કેટલાક ખેડૂતો વિરોધ સ્થળ પર પહોંચવાની ઉતાવળમાં હતા. તેમણે કહ્યું કે ખેડૂતોને વિરોધ સ્થળ પર લઈ જવા માટે બેરીકેડ્સ હટાવી દેવામાં આવ્યા હતા અને ત્યારબાદ શાંતિપૂર્ણ રીતે બેઠક થઈ હતી.
“ખેડૂતો ઉતાવળમાં હતા”
નાયબ પોલીસ કમિશનરે ટ્વીટમાં જણાવ્યું હતું કે, “ખેડૂતોના એક જૂથને જંતર-મંતર પર લઈ જવામાં આવ્યું હતું. તેઓ ધરણાં સ્થળ પર પહોંચવાની ઉતાવળમાં હતા અને તેમાંથી કેટલાક બેરિકેડ્સ પર ચઢી ગયા હતા તે દરમિયાન નીચે પડી ગયા હતા અને હટાવાયા હતા. તેમના પ્રવેશને સરળ બનાવવા માટે પોલીસકર્મીઓએ અવરોધો હટાવ્યા હતા.”
#WATCH | Farmers break through police barricades as they join protesting wrestlers at Jantar Mantar, Delhi
The wrestlers are demanding action against WFI chief and BJP MP Brij Bhushan Sharan Singh over allegations of sexual harassment. pic.twitter.com/k4d0FRANws
— ANI (@ANI) May 8, 2023
દિલ્હી પોલીસે કરી આ અપીલ
તેમણે કહ્યું કે વિરોધીઓ વિરોધ સ્થળ પર પહોંચ્યા અને બેઠક શાંતિપૂર્ણ રીતે ચાલી. પોલીસે ભારપૂર્વક જણાવ્યું હતું કે વિરોધીઓ સાથે કોઈ અથડામણ થઈ નથી અને સ્થળ પરની પોલીસે વિરોધીઓને સુવિધા આપવા અને શાંતિપૂર્ણ મેળાવડાની ખાતરી કરવા માટે કાર્ય કર્યું હતું. દિલ્હી પોલીસના ઓફિશિયલ ટ્વિટર હેન્ડલ પર એક ટ્વિટમાં કહેવામાં આવ્યું છે કે દરેકને વિનંતી છે કે ફેક ન્યૂઝ પર વિશ્વાસ ન કરો.
જંતર-મંતર પર કુસ્તીબાજો ધરણા પર બેઠા છે
પોલીસે કહ્યું કે જંતર-મંતર પર પ્રદર્શનકારીઓને સુવિધાઓ આપવામાં આવી રહી છે. સુરક્ષા સુનિશ્ચિત કરવા માટે ડીએફએમડી દ્વારા પ્રવેશનું નિયમન કરવામાં આવી રહ્યું છે. કૃપા કરીને શાંતિ રાખો અને કાયદાનું પાલન કરો. કુસ્તીબાજો 23 એપ્રિલથી જંતર-મંતર પર ધરણા પર બેઠા છે અને રેસલિંગ ફેડરેશન ઓફ ઈન્ડિયાના ચીફ સામે જાતીય સતામણીના આરોપો પર કાર્યવાહી કરવાની માંગ કરી રહ્યા છે.
