દ્વારકા : મુસાફરો ભરેલી છકડો રીક્ષા પૂલ પરથી નીચે ખાબકી, 3 ના ઘટના સ્થળે જ મોત

દ્વારકાના ભાણવડમાં ગમખ્વાર અકસ્માતની ઘટના સામે આવી છે. જેમાં 3 લકોના કરુણ મોત નિપજ્યા હોવાનુ પણ જાણવા મળી રહ્યું છે. જ્યારે અન્ય કેટલાક લોકો ઈજાગ્રસ્ત થતા તેમને તાત્કાલિક સારવાર અર્થે હોસ્પિટલ ખસેડવામા આવ્યા હતા.

રીક્ષા પુલ પરથી નીચે ખાબકી

મળતી માહીતી મુજબ આજેભાણવડના રોજીવાળા નજીક ગમખ્વાર અકસ્માતની ઘટના બની છે. ભાણવડ તાલુકાના જામ રોજીવાળા ગામે જતી રીક્ષા પુલ પરથી નીચે ખાબકી હતી. રિક્ષા ચાલકે સ્ટિયરિંગ પરથી કાબુ ગુમાવતા આ ઘટના બની છે. આ અકસ્માતમાં ત્રણ લોકોના ઘટના સ્થળે જ મોત નિપજ્યા હતા. જ્યારે 8 જેટલા લોકો ઈજાગ્રસ્ત થયા હતા. ઘટનાને પગલે આસપાસના લોકો એકઠા થઈ ગયા હતા અને ઈજાગ્રતોની મદદ કરવા લાગ્યા હતા. ત્યારે આ ઘટના અંગે પોલીસને જાણ કરાતા પોલીસનો કાફલો ઘટના સ્થળે દોડી આવ્યો હતો.

અકસ્માતમાં 3ના મોત, 8 ઘાયલ

જામજોધપુરના ધ્રાફા ગામેથી ભાણવડ તાલુકાના જામ રોજીવાળા ગામે છકડા રિક્ષામાં જતાં સમયે રીક્ષા પુલ પરથી નીચે ખાબકતાં ત્રણ લોકોના મોત થયા છે. જ્યારે અન્ય લોકોને ગંભીર ઈજા પહોંચી છે. આ તમામ ઈજાગ્રસ્તોને સારવાર અર્થે જામનગર અને ખંભાળિયા રિફર કરવામાં આવ્યા છે. ઘટનાને પગલે ભાણવડ પોલીસનો કાફલો ઘટનાસ્થળે દોડી આવ્યો હતો અને મૃતકોના મૃતદેહોને પીએમ અર્થે ખસેડીને વધુ તપાસ હાથ ધરી છે.

 આ પણ વાંચો : ખેડા જિલ્લાની મહી કેનાલમાંથી મળ્યા 2 બાળકોના મૃતદેહ, સેવાલિયા પોલીસે હાથ ધરી તપાસ