RCB સામેની મેચ દરમિયાન કેપ્ટન કે.એલ રાહુલને ઈજા, કૃણાલ પંડ્યાએ કપ્તાની સંભાળી

IPLની 16મી સિઝનમાં લખનૌ સુપર જાયન્ટ્સ (LSG) અને રોયલ ચેલેન્જર્સ બેંગ્લોર (RCB) વચ્ચે રમાઈ રહેલી મેચમાં લખનૌ ટીમના કેપ્ટન કેએલ રાહુલ ફિલ્ડિંગ દરમિયાન ઈજાગ્રસ્ત થતાં મેદાનની બહાર ગયો હતો. રાહુલ સાથી ખેલાડીઓની મદદથી મેદાનની બહાર ગયો હતો. આ પછી તેની ગેરહાજરીમાં કૃણાલ પંડ્યાએ ટીમની કમાન સંભાળી છે. આ મેચમાં RCB ટીમે ટોસ જીતીને પહેલા બેટિંગ કરવાનો નિર્ણય લીધો છે.

આરસીબીની ઇનિંગ્સની બીજી ઓવરના છેલ્લા બોલ પર, ફાફ ડુ પ્લેસિસે કવર તરફ શોટ માર્યો, જેને રોકવા માટે કેએલ રાહુલ દોડ્યો પરંતુ બાઉન્ડ્રી સુધી પહોંચતા પહેલા તેના જમણા પગમાં ખેંચાણને કારણે તે અટકી ગયો. આ પછી, ટીમના ફિઝિયો સહિત અન્ય ખેલાડીઓ ત્યાં પહોંચ્યા જેમાં કેએલ રાહુલને ઈજા થઈ હતી.

Kl Rahul injured pic.twitter.com/EuYpDavkxc

— Aakash Chopra (@Aakash_Vani_1) May 1, 2023

આ પછી કેએલ રાહુલને સાથી ખેલાડીઓની મદદથી મેદાનની બહાર લઈ જવામાં આવ્યો હતો. સ્ટેડિયમમાં હાજર કેએલ રાહુલની પત્ની આથિયા શેટ્ટી પણ ખૂબ જ ચિંતિત દેખાઈ રહી હતી. ટીમના ખેલાડીઓના ચહેરા પર ચિંતા સ્પષ્ટપણે જોવા મળી હતી.

KL Rahul injured #LSGvsRCB pic.twitter.com/ZpMBw0bMM3

— Vanson Soral (@VansonSoral) May 1, 2023

લખનૌની ટીમ અત્યારે પોઈન્ટ ટેબલમાં બીજા સ્થાને

લખનૌ સુપર જાયન્ટ્સનું પ્રદર્શન આ સિઝનમાં અત્યાર સુધી પ્રભાવશાળી રહ્યું છે, જેમાં તેણે 8 મેચમાંથી 5 મેચ જીતી છે અને 3માં હારનો સામનો કરવો પડ્યો છે, જે બાદ ટીમ હાલમાં પોઈન્ટ ટેબલમાં 10 પોઈન્ટ સાથે બીજા સ્થાન પર છે. લખનૌએ તેમની છેલ્લી મેચમાં પંજાબ કિંગ્સ સામે 56 રને મોટી જીત નોંધાવી હતી, જેમાં ટીમે 257 રન બનાવ્યા હતા, જે IPLના ઇતિહાસમાં બીજો સર્વોચ્ચ સ્કોર છે.

આ પણ વાંચોઃ IPL 2023 : પાણીપૂરી વેચનારનો છોકરો બન્યો કરોડપતિ, રાજસ્થાનના આ સ્ટાર ખેલાડીની કહાની રોમાંચક છે