ભારત સરકારે 14 મેસેન્જર એપ પર મૂક્યો પ્રતિબંધ, આતંકવાદીઓ કરતા હતા ઉપયોગ
કેન્દ્ર સરકારે 14 મોબાઈલ મેસેન્જર એપ બ્લોક કરી દીધી છે. આ મેસેન્જર એપ્સનો આતંકવાદી ગતિવિધિઓમાં ઉપયોગ થતો હતો. આતંકીઓ આ મોબાઈલ મેસેન્જર એપ્સનો ઉપયોગ કરતા હતા. આ એપ્સ દ્વારા આતંકીઓને પાકિસ્તાનથી મેસેજ આવતા હતા. ભારત સરકાર દ્વારા પ્રતિબંધિત એપ્સમાં Crypviser, Enigma, Safeswiss, Wickrme, Mediafire, Briar, BChat, Nandbox, Conion, IMO, એલિમેન્ટ, સેકન્ડ લાઇન, ઝાંગી, થ્રીમાનો સમાવેશ થાય છે.
આ પણ વાંચો : મુખ્યમંત્રી ભૂપેન્દ્ર પટેલના પુત્ર અનૂજ પટેલને વધુ સારવાર અર્થે મુંબઈ લઈ જવાશે
અહેવાલો અનુસાર, આતંકવાદીઓ આ મેસેન્જર એપ્સનો ઉપયોગ જમ્મુ-કાશ્મીરમાં તેમના સહયોગીઓને સંદેશ મોકલવા માટે કરી રહ્યા હતા. દેશની ઘણી તપાસ એજન્સીઓના રિપોર્ટમાં આ વાતની પુષ્ટિ થઈ છે, ત્યારબાદ સરકારે આ એપ્સ પર પ્રતિબંધ લગાવી દીધો છે. અહેવાલો અનુસાર, આ એપ્સનો ઉપયોગ કાશ્મીરમાં આતંકવાદીઓ તેમના સમર્થકો અને ઓન-ગ્રાઉન્ડ વર્કર્સ (OGWs) સાથે મેસેજિંગ અને ચેટિંગ માટે કરી રહ્યા હતા.
આ પણ વાંચો : LPG Cylinders : કોમર્શિયલ એલપીજી સિલિન્ડરના ભાવમાં થયો ઘટાડો, જાણો નવા ભાવ
આ એપ્સના ડેવલપર્સ ભારતમાં નથી અને ન તો આ એપ્સ ભારતમાંથી ઓપરેટ થઈ રહી છે. આ એપ્સ ડેવલપ કરતી કંપનીઓની ઓફિસ પણ ભારતમાં નથી. ભારતીય કાયદા અનુસાર માહિતી મેળવવા માટે એપ્સની કંપનીઓનો સંપર્ક કરી શકાયો નથી. આ એપ્સને એવી રીતે ડિઝાઇન કરવામાં આવી છે કે તેને ટ્રેક કરી શકાતી નથી. આ સિવાય આ એપ્સના ડેવલપર્સને ટ્રેસ કરવા પણ મુશ્કેલ છે. ગૃહ મંત્રાલયે વિવિધ એજન્સીઓ દ્વારા શોધી કાઢ્યું છે કે આ મોબાઈલ એપ્સ આતંકવાદીઓ અને તેમના સહયોગીઓને પ્રવૃત્તિઓમાં સામેલ કરવામાં મદદ કરે છે.
