ચેતવણીરુપ કિસ્સો : વરઘોડામા ઘોડાએ લાત મારતા માસુમ બાળકનું મોત
- અમદાવાદમાં લગ્ન પ્રસંગમા વરઘોડામાં સર્જાયો અકસ્માત
- ઘોડાએ લાત મારતા માસુમ બાળકનું મોત
- માથામાં ગંભીર ઈજાઓના કારણે બાળકનું કરુણ મોત
હાલ લગ્નની સીઝન ચાલી રહી છે. ત્યારે આ લગ્ન પસંગ દરમિયાન વરઘોડો કાઢવામાં આવતો હોય છે. જેમાં ઘોડા પર બેસીનને વરરાજાને ફેરવવામા આવતા હોય છે. પરંતુ કેટલીક જગ્યાએ ઘોડા પર કાબુ ન રહેતા તે લોકોને નુકશાન પણ પહોંચાડતા હોય છે. ત્યારે અમદાવાદ શહેરમાં લગ્નમાં નિકળેલા વરઘોડામાં ઘોડાએ લાત મારતા માસુમ બાળકનું મોત નિપજ્યું હોવાની ઘટના સામે આવી છે.
ઘોડાની લાતથી માસુમ બાળકનુ મોત
અમદાવાદ શહેરમાં લગ્ન પ્રંસગમાં માસુમ બાળકના મોતની ઘટના સામે આવી છે. જેમાં શહેરમાં લગ્નના વરઘોડામાં ઘોડાએ લાત મારતા માસુમ બાળકનુ કરુણ મોત નિપજ્યું છે. મળતી માહિતી મુજબ અમદાવાદના ઇસનપુર વિસ્તારમાં લગ્નના વરઘોડામાં રૂપિયા લેવા જતી વખતે ઘોડાએ લાત મારતા માસુમ બાળકનું મોત થયું છે.
બાળક પૈસા લેવા માટે ઘોડાની નજીક ગયો
ઈસનપુર વિસ્તારમાં એક પરિવારમાં લગ્નનો પ્રસંગ હોવાથી વરઘોડાનું આયોજન કરાયું હતું. આ વરઘોડામા ઘોડાને નચાવવામાં આવી રહ્યો હતો, અને કેટલાક પરિજનો તેના પર પૈસા ઉડાડી રહ્યા હતા.આ દરમિયાન બાળકો પૈસા લેવા માટે ઘોડાની આગળ પાછળ દોડી રહ્યા હતા. ત્યારે આ દરમિયાન એક બાળક પૈસા લેવા માટે ઘોડાની નજીક ગયો હતો. આ દરમિયાન ઘોડાએ જોરદાર લાત મારી હતી જેના કારણે બાળનું મોત નિપજ્યું હતું.
માથાના ભાગે ગંભીર ઈજા પહોંચી હતી
આ ઘટનામા બાળકને માથાના ભાગે ગંભીર ઈજા થઈ હોવાથી તેને સારવાર અર્થે હોસ્પિટલ લઈ જવામા આવ્યો હતો. પરુતુ આ પહેલા જ બાળકનું મોત થયું હતું. માથામાં ગંભીર ઈજાઓના કારણે માસૂમ બાળકનું કરુણ મોત થયું હતું. આ ગંભીર ઘટના ને કારણે લગ્નની ખુશી દુઃખમાં ફેરવાઈ ગઈ હતી.
આ પણ વાંચો : રાજ્યમાં હાર્ટ એટેકથી વધુ એક મોત, ચાલુ ગાડીએ દૂધસાગર ડેરીના ડ્રાઇવરને આવ્યો હાર્ટ એટેક
