સ્ટોક માર્કેટ : આજે ફરી લાલ નિશાન પર બંધ થયું ભારતીય શેર બજાર

આ સપ્તાહે સતત બીજા ટ્રેડિંગ સેશનમાં ભારતીય શેરબજાર ઘટાડા સાથે બંધ થયું હતું. એફએમસીજી અને એનર્જી શેરોમાં પ્રોફિટ બુકિંગના કારણે બજાર ઘટ્યું હતું. આજના કારોબારના અંતે BSE સેન્સેક્સ 184 પોઈન્ટ ઘટીને 59,727 અને નેશનલ સ્ટોક એક્સચેન્જનો નિફ્ટી 47 પોઈન્ટના ઘટાડા સાથે 17,660 પોઈન્ટની સપાટીએ બંધ રહ્યો હતો. જોકે, બંને સૂચકાંકોએ નીચલા સ્તરેથી રિકવરી દર્શાવી છે. કારણ કે એક સમયે સેન્સેક્સ 431 પર ટ્રેડ કરી રહ્યો હતો અને નિફ્ટી 104 પોઈન્ટ્સ નીચે હતો.

Sensex falls 183.74 points to settle at 59,727.01; Nifty declines 46.70 points to 17,660.15

— Press Trust of India (@PTI_News) April 18, 2023

આજના કારોબારમાં આઈટી, ફાર્મા, મેટલ્સ, હેલ્થકેર સેક્ટરના શેરમાં ઉછાળો જોવા મળ્યો હતો. એનર્જી, એફએમસીજી, કન્ઝ્યુમર ડ્યુરેબલ્સ, ઓઈલ અને ગેસ જેવા સેક્ટરમાં ઘટાડો જોવા મળ્યો છે. જોકે, બજારમાં મિડકેપ અને સ્મોલકેપ ઈન્ડેક્સમાં સારી વૃદ્ધિ જોવા મળી છે. સેન્સેક્સના 30 શેરોમાંથી 15 વધ્યા અને 15 નુકસાન સાથે બંધ થયા. જ્યારે નિફ્ટીના 50માંથી 22 શેરો તેજી સાથે બંધ થયા હતા, જ્યારે 28 ઘટીને બંધ થયા હતા.

તેજીવાળા શેરો

ગઈકાલના ઘટાડા બાદ આજે આઈટી શેરોમાં સ્થિરતા જોવા મળી હતી. એચસીએલ ટેક 1.99 ટકા, વિપ્રો 1.63 ટકા, નેસ્લે 1.63 ટકા, ઇન્ડસઇન્ડ બેન્ક 1.90 ટકા, સન ફાર્મા 0.71 ટકા, મારુતિ સુઝુકી 0.66 ટકા, લાર્સન 0.49 ટકા, એશિયન પેઇન્ટ્સ 0.43 ટકા, સ્ટેલ 0.4 ટકા. , SBI 0.33 ટકા વધીને બંધ થયો છે. જ્યારે પાવર ગ્રીડ 2.62 ટકા, અલ્ટ્રાટેક સિમેન્ટ 1.85 ટકા, રિલાયન્સ 1.13 ટકા, ટાઇટન કંપની 1.12 ટકા, HDFC 0.75 ટકા, બજાજ ફાઇનાન્સ 0.72 ટકાના ઘટાડા સાથે બંધ થયા હતા.

આ પણ વાંચો : બિલ્કીસ બાનો કેસમાં દોષિતોની મુક્તિ સામેની અરજી પર SC 2 મેના રોજ સુનાવણી કરશે