દેશની રાજધાનીમાં કોરોનાએ વધારી ચિંતા, જાણો- 24 કલાકમાં કેટલા કેસ?
રાજધાની દિલ્હીમાં કોરોનાના કેસમાં સતત વધારો થઈ રહ્યો છે. હવે દિલ્હીમાં કોરોનાના કેસ એક હજારને પાર થઈ ગયા છે. સ્વાસ્થ્ય વિભાગના અહેવાલ મુજબ મંગળવારે દિલ્હીમાં 1118 નવા કેસ નોંધાયા છે. આ સાથે બે દર્દીઓના મોત થયા છે અને 500 દર્દીઓ સ્વસ્થ થયા છે. હાલમાં દિલ્હીમાં એક્ટિવ કેસની કુલ સંખ્યા 3177 પર પહોંચી ગઈ છે.
#COVID19 | Daily cases in Delhi cross 1000; 1118 cases, 500 recoveries and 2 deaths reported in the last 24 hours.
Active cases 3177 pic.twitter.com/9nMwlWoos0
— ANI (@ANI) June 14, 2022
દિલ્હીમાં સંક્રમણ દર 6.50 ટકા
છેલ્લા 24 કલાકમાં, દિલ્હીમાં 17210 દર્દીઓની તપાસ કરવામાં આવી હતી અને કોવિડના 1118 કેસ 6.50 ની પોઝિટિવિટી રેટ સાથે નોંધાયા છે. મંગળવારે કોરોનાના કેસો સોમવારની સરખામણીએ બમણાની નજીક છે, કારણકે સોમવારે દિલ્હીમાં કોવિડ-19ના 614 નવા કેસ નોંધાયા હતા અને મંગળવારે કોવિડના 1118 કેસ જોવા મળ્યા હતા.
સોમવારે પોઝિટિવિટી રેટ 7.06 ટકા હતો
જોકે સંક્રમણ દરમાં ઘટાડો થયો છે, પરંતુ રાજધાનીમાં કોરોનાનો પોઝિટિવિટી રેટ સોમવારે 7.06 ટકા હતો અને મંગળવારે અહેવાલ મુજબ હવે પોઝિટિવિટી રેટ 6.50 છે. સોમવારે, પોઝિટિવિટી રેટ 4 મે પછી સૌથી વધુ હતો. કારણ કે 4 મેના રોજ પોઝિટિવિટી રેટ 7.6 ટકાથી વધુ હતો.
