Saas Bahu Aur Flamingo Teaser: ડિમ્પલ કાપડિયાનો દમદાર લૂક
બોલિવૂડ અભિનેત્રી ડિમ્પલ કાપડિયા વેબ સીરિઝ ‘Saas Bahu Aur Flamingo’થી OTT ડેબ્યૂ કરવા જઈ રહી છે. થોડા દિવસો પહેલા આ સીરિઝનું પોસ્ટર રિલીઝ થયું હતું અને હવે ટીઝર લોન્ચ કરવામાં આવ્યું છે. આ એક થ્રિલર સિરીઝ છે, જેમાં ડિમ્પલ સિવાય રાધિકા મદાન અને ઈશા તલવાર પણ જોવા મળશે.
સીરિઝનું ટીઝર
ટીઝરમાં જોઈ શકાય છે કે ડિમ્પલ કાપડિયા આરતી કરતી જોવા મળી રહી છે. બેકગ્રાઉન્ડમાં ‘ક્યૂંકી સાસ ભી કભી બહુ થી’નું ટાઈટલ સોંગ સંભળાય છે. સીરિઝના મુખ્ય પાત્રો ખૂબ જ ખુશ દેખાઈ રહ્યા છે. તેઓ નૃત્ય કરે છે અને ગાય છે, પરંતુ થોડી સેકંડ પછી બધું બદલાઈ જાય છે. એક દ્રશ્યમાં, ડિમ્પલ કાપડિયા એક માણસ પર બંદૂક તાકે છે અને પછી હિંસા અને ભીષણ રક્તપાત જોવા મળે છે. આ સિરીઝમાં ડિમ્પલ એક ખતરનાક સાસુના રોલમાં જોવા મળશે.
આ દિવસે થ્રિલર વેબ સિરીઝ સ્ટ્રીમ કરાશે
‘Saas Bahu Aur Flamingo’નું ટીઝર મેડૉક ફિલ્મ્સના ઑફિશિયલ ઇન્સ્ટાગ્રામ હેન્ડલ પર શેર કરવામાં આવ્યું છે.
View this post on Instagram
ડિમ્પલ કાપડિયાની આ સિરીઝ ડિઝની પ્લસ હોટસ્ટાર પર 5 મે, 2023થી સ્ટ્રીમ કરવામાં આવશે. તેનું નિર્દેશન હોમી અદાજાનિયાએ કર્યું છે.
આ પણ વાંચોઃ આર્યન ખાન ડ્રગ્સ કેસ: 1 લાખના બોન્ડ પર સહી કરવા પર શું કહ્યું જુહી ચાવલાએ ?
