ઘરમાંથી નકારાત્મક ઉર્જા દુર કરો આ રીતેઃ 100 ટકા થશે ફાયદો

• ઘરમાં દરેક વસ્તુ માટે એક નિર્ધારિત દિશા હોય છે
• ઘરમાં કોઇ વસ્તુની દિશા યોગ્ય ન હોય તો વાસ્તુ દોષ ઉત્પન્ન થાય છે.
• ઘરના દ્વાર પાસે પંચમુખી હનુમાનજીની મુર્તિ અવશ્ય રાખો

કોઇ પણ વસ્તુને રાખવા માટે અથવા કોઇ પણ વસ્તુનુ નિર્માણ કરાવવા માટે વાસ્તુના સિદ્ધાંતોનું પાલન કરવાનુ જરૂરી માનવામાં આવ્યુ છે. આપણુ ઘર પંચતત્વમાંથી બનેલુ છે અને તમામ વસ્તુઓ માટે એક ઉચિત દિશા હોય છે. છતાં પણ ઘર બનાવતી વખતે અજાણતા કોઇક ભુલ તો થઇ જ જાય છે. તે કારણે વાસ્તુ દોષ ઉત્પન્ન થાય છે.

વાસ્તુમાં ઘરની નેગેટિવિટીને દુર કરવા માટે કેટલાક વિશેષ ઉપાયો જણાવાયા છે. તેને અજમાવીને આપણે ઘરના વાસ્તુ દોષને દુર કરી શકીએ છીએ. તો આવો જાણીએ ઘરમાંથી નકારાત્મકતા અને વાસ્તુ દોષ દુર કરવાના અસરદાર ઉપાય.

ઇશાન ખુણામાં કળશ

ઇશાન ખુણામાં આપણે કળશની સ્થાપના અવશ્ય કરવી જોઇએ. કળશને ભગવાન ગણેશનું સ્વરૂપ માનવામાં આવે છે. ભગવાન ગણેશના આશીર્વાદથી તમારા ઘરમાંથી નકારાત્મક ઉર્જા દુર થાય છે.

મીઠાનો ઉપાય

વાસ્તુ અનુસાર મીઠુ ઘરની નકારાત્મક ઉર્જાને પોતાની અંદર ખેંચી લેવાનો ગુણ ધરાવે છે. પોતુ લગાવતી વખતે તેના પાણીમાં પણ સોલ્ટ ભેળવવુ જોઇએ. ગુરૂવારે આ ઉપાય ન કરવો જોઇએ. કાચના વાસણમાં મીઠુ મુકી રાખવાથી નેગેટિવિટી દુર થાય છે.

પંચમુખી હનુમાનજીની મુર્તિ

વાસ્તુશાસ્ત્ર અનુસાર પંચમુખી હનુમાન ઘરમાં રાખવા અત્યંત શુભ છે. તે વાસ્તુ સંબંધિત દોષને દૂર કરે છે એટલા માટે ઘરમાં એક પંચમુખી હનુમાનજીની પ્રતિમા પુજા સ્થાન પર મુકવી જોઇએ. ઘરની તરફ નજર કરીને બેઠેલા હનુમાનજી પણ શુભ છે. જો તમારા ઘરનું પ્રવેશ દ્વાર દક્ષિણ દિશા તરફ હોય તો ઘરના પ્રવેશ દ્વાર પર પંચમુખી હનુમાનજીની તસવીર મુકો. તેના લીધે ઘરમાં નકારાત્મક ઉર્જા ક્યારેય વાસ કરતી નથી.

કપૂરનો ઉપાય

ધરમાં કોઇ પણ જગ્યાએ નકારાત્મક ઉર્જા જેવુ લાગે તો થોડુ કપૂર ત્યાં રાખી દો. નેગેટિવિટી તરત ખતમ થઇ જશે. કપૂર ખતમ થઇ જાય તો ફરી ત્યાં થોડુ કપૂર રાખી દો. તેનાથી તમને લાભ મળશે અને ઘરમાં ધન ધાન્યની વૃદ્ધિ થશે.

ઘડિયાળ આ દિશામાં લગાવો

વાસ્તુ અનુસાર ઘડિયાળ કોઇ દિશાને ઉર્જાવાન બનાવે છે. તેથી તમારા ઘરમાં જેટલી ઘડિયાળ હોય તે ચાલવી જોઇએ. બંધ ઘડિયાળ ઘરમાં ન રાખો. તે નાણાંકીય સ્થિતિમાં વિક્ષેપ ઉભો કરી શકે છે. તમામ ઘડિયાળો ઉત્તર કે ઉત્તર પુર્વમાં લગાવવી જોઇએ.

 

તસવીરો આ દિશામાં લગાવો

લિવિંગ રૂમમાં પોતાના પરિવારની તસવીર લગાવવાથી સંબંધો મજબૂત બને છે અને સકારાત્મકતા આવે છે. આવી તસવીરો ઘરમાં સકારાત્મક ઉર્જાની નિશાની માનવામાં આવે છે. મહેમાનોને આ તસવીર દેખાવી જોઇએ. તેનાથી તમારા ઘરમાં સકારાત્મક ઉર્જા રહે છે.

સુગંધિત અગરબત્તી સળગાવો

રૂમમાં તમામ પ્રકારની નેગેટિવ એનર્જીને દુર કરવા માટે તમે ધુપબત્તી કે અગરબત્તી પ્રગટાવી શકો છો. આમ કરવાથી ઘરમાં પોઝિટિવ એનર્જી વધશે અને તમને સારી ઉંઘ પણ આવશે.

ઘોડાની નાળ

વાસ્તુશાસ્ત્રમાં ઘોડાની નાળને ખૂબ જ શુભ માનવામાં આવે છે. જો લીંબુ મરચાને ઘોડાની નાળ પર મૂકીને ઘરના દરવાજાની વચ્ચે લટકાવવામાં આવે તો ઘર હંમેશા નકારાત્મક શક્તિઓથી સુરક્ષિત રહે છે. તેમજ ઘરમાં હંમેશા સુખ-સમૃદ્ધિ ટકેલી રહે છે. લોકો વૈભવી જીવન જીવે છે.

આ પણ વાંચોઃ ભારતના સૌથી ઝડપથી વિકસતા રાજ્યોમાં ગુજરાત નંબર વન !