નાણામંત્રી સીતારમણ વિશ્વ બેંક અને IMFની બેઠકમાં લેશે ભાગ
કેન્દ્રીય નાણામંત્રી નિર્મલા સીતારમણ 10 એપ્રિલથી શરૂ થઈ રહેલા તેમના સત્તાવાર પ્રવાસના ભાગરૂપે અમેરિકા જઈ રહ્યા છે. પ્રવાસ દરમિયાન તે ઘણી મહત્વની બેઠકોમાં હાજરી આપશે. નાણા મંત્રાલય દ્વારા જારી કરાયેલા નિવેદન અનુસાર, નાણામંત્રી વિશ્વ બેંક જૂથ અને IMF દ્વારા આયોજિત આ વર્ષની સ્પ્રિંગ બેઠકમાં ભાગ લેશે. આ ઉપરાંત, તે વોશિંગ્ટન ડીસીમાં WBG અને IMF હેડક્વાર્ટર ખાતે G-20 મીટિંગ્સ, રોકાણકારો અને દ્વિપક્ષીય મીટિંગ્સ અને અન્ય સંબંધિત મીટિંગ્સમાં હાજરી આપશે.
Union Finance Minister Nirmala Sitharaman will be embarking on an official visit to the USA, beginning April 10. During the visit, Sitharaman will be attending the 2023 Spring Meetings of World Bank Group (WBG) & International Monetary Fund (IMF), along with G20 meetings,… pic.twitter.com/h3r1Jp3gdz
— ANI (@ANI) April 8, 2023
આ તમામ બેઠકો 10 એપ્રિલથી 16 એપ્રિલ દરમિયાન યોજાશે. નાણા મંત્રી નિર્મલા સીતારમણના નેતૃત્વમાં નાણા મંત્રાલયનું એક પ્રતિનિધિમંડળ યુએસ જઈ રહ્યું છે, જેમાં મંત્રાલય અને ભારતીય રિઝર્વ બેંકના અધિકારીઓનો સમાવેશ થાય છે. મંત્રાલય દ્વારા આપવામાં આવેલી માહિતી અનુસાર, WBG અને IMFની સ્પ્રિંગ બેઠકમાં વિશ્વના ઘણા દેશોના નાણા મંત્રીઓ અને બેંકર્સ ભાગ લેશે.
