આ ફળો ખાધા બાદ ભૂલથી પણ પાણી ન પીતા

• આયુર્વેદમાં ફળ ખાધા પછી પાણી પીવાની મનાઇ ફરમાવાઇ છે
• ફળોમાં રહેલી નેચરલ મીઠાસ કે ફ્રુકટોઝ પાણી સાથે મિક્સ થઇને અનેક તકલીફો વધારે છે
• ફળોનો રસ પાણી સાથે મિક્સ થઇને શરીરનું પીએચ લેવલ બગાડી શકે છે.

હેલ્ધી લાઇફ જીવવા માટે આયુર્વેદમાં ખાવા-પીવાને લઇને સખત પણ સરળ એવા નિયમો બનાવ્યા છે. તેનુ પાલન કરવાથી વ્યક્તિ રોગોથી દુર રહી શકે છે અને સાથે સાથે જમવાની દરેક વસ્તુની મજા લઇ શકે છે. આયુર્વેદ અનુસાર કેટલાક એવા ફળો છે જે ખાધા પછી તરત પાણી ન પીવુ જોઇએ, નહીંતો અનેક પ્રકારની સમસ્યાઓ થઇ શકે છે. આવો જાણીએ એવી કઇ વસ્તુઓ છે જે ખાધા બાદ તરત પાણી ન પીવુ જોઇએ.

આયુર્વેદમાં ફળ ખાધા પછી પાણી પીવાની મનાઇ ફરમાવાઇ છે. આવુ એટલે કેમકે ફળોમાં રહેલી નેચરલ મીઠાસ કે ફ્રુકટોઝ પાણી સાથે મિક્સ થઇને અનેક તકલીફો વધારી શકે છે. આ ઉપરાંત જ્યુસી ફળોનો રસ પાણી સાથે મિક્સ થઇને શરીરનું પીએચ લેવલ બગાડી શકે છે.આ ફળો ખાધા પછી તરત પાણી ક્યારેય ન પીતા

દાડમ

આયુર્વેદ અનુસાર દાડમ ખાધા પછી પાણી પીવાથી એસિડિટીની સમસ્યા થઇ શકે છે. આ ઉપરાંત આમ કરનારી વ્યક્તિને પેટના દુખાવાની સમસ્યા પણ થઇ શકે છે.

કેળા

તમે ઘણી વાર વડીલોના મોંઢે સાંભળ્યુ હશે કે નાના બાળકોએ કેળા ખાઇને પાણી ન પીવુ જોઇએ. આમ કરવાથી પાચનતંત્ર પર ખરાબ અસર પડે છે અને વ્યક્તિનુ પેટ ફુલી જાય છે.

જામફળ

જામફળ ખાધા પછી તો ભુલથી પણ પાણી ન પીવુ જોઇએ, નહીંતો પાચનતંત્ર બગડી શકે છે. જામફળ ખાવાનો પણ એક સમય હોય છે, તે રાતના સમયે ન ખાવુ જોઇએ.

કોઇ પણ ખાટુ ફળ

ખાટુ ફળ ખાવાથી તમારી ઇમ્યુનિટી મજબૂત થાય છે, પરંતુ જો તમે તેવા ફળ ખાધા બાદ તરત પાણી પી લો છો તો તમારા બોડીનું પીએચ લેવલ બગડી શકે છે. જેની અસર તમારા પાચન પર પડવાથી આ ફળ સરળતાથી પચતા નથી અને એસિડિટીનું કારણ બને છે. સંતરા, મોસંબી, આંબળા જેવા ખાટા ફળોનું સેવન કર્યા બાદ પાણી ન પીવુ જોઇએ.

તરબૂચ

ગરમીના દિવસોમાં તમારા પાચન અને બોડીને હાઇડ્રેડ રાખવાની જવાબદારી તરબૂચની હોય છે. જો તમે તરબૂચ ખાધા બાદ પાણી પી લીધુ તો તે ફળ તમારી પાચનક્રિયાને ખરાબ કરી શકે છે.

આ પણ વાંચોઃ Twitterમાં વાદળી ચકલી પાછી ફરી, શ્વાન બન્યો માત્ર ૩ દિવસનો મહેમાન