HBD: રશ્મિકા મંદાના ડેબ્યુ ફિલ્મની પ્રપોઝલને કેમ સમજી બેઠી હતી પ્રેન્ક?

• રશ્મિકાએ 2016માં કિરિક પાર્ટીથી ડેબ્યુ કર્યુ હતુ.
• રશ્મિકાએ કન્નડ ઉપરાંત તામિલ અને તેલુગુ ફિલ્મોમાં પણ કામ કર્યુ છે. 
• બોલિવુડમાં પણ એક્ટિવ છે આ સાઉથની અભિનેત્રી

આજે ‘નેશનલ ક્રશ’ બની ચુકેલી અભિનેત્રી રશ્મિકા મંદાનાએ ઘણા ઓછા સમયમાં દર્શકોના દિલ જીતીને પોતાની જબરજસ્ત ફેન ક્લબ બનાવી લીધી છે. રશ્મિકાએ ખૂબ જ જલ્દી પોતાની મંઝિલ મેળવી લીધી છે. એક બાજુ રશ્મિકાએ પોતાની એક્ટિંગથી તમામ લોકોનું દિલ જીતી લીધુ છે તો બીજી બાજુ તેની ક્યુટ સ્માઇલ અને તેનો અંદાજ પણ ચર્ચામાં રહે છે. આજે 5 એપ્રિલે તેનો જન્મદિવસ છે.

2016માં કર્યુ હતુ ડેબ્યુ

2016માં રશ્મિકા મંદાનાએ ફિલ્મ ‘કિરિક પાર્ટી’થી એક્ટિંગ ડેબ્યુ કર્યુ હતુ, તે ફિલ્મ કન્નડ સિનેમાઇ બોક્સ ઓફિસ પર સુપર્બ કમાણી કરનારી ફિલ્મોમાંથી એક રહી હતી. આ ફિલ્મ માટે રશ્મિકાને બેસ્ટ ડેબ્યુનો સીમા એવોર્ડ મળ્યો હતો. ત્યારબાદ 2017માં રશ્મિકાએ બે વધુ કન્નડ ફિલ્મો અંજનિ પુત્ર અને ચમકમાં સારી એક્ટિંગ કરી હતી. ત્યારબાદ તેણે પાછા વળીને જોયુ નથી. રશ્મિકાએ કન્નડ ઉપરાંત તેલુગુ અને તામિલ ફિલ્મોમાં પણ કામ કર્યુ છે.

ફિલ્મ પ્રપોઝલને સમજી હતી પ્રેન્ક

વર્ષ 2022માં રશ્મિકાએ તેના ડેબ્યુનો કિસ્સો શેર કર્યો હતો. રશ્મિકાએ કહ્યુ હતુ કે ફિલ્મ કિરિક પાર્ટી માટે મેકર્સને કોઇ યંગ અભિનેત્રીની તલાશ હતી, જેનો ચહેરો મેચ્યોર્ડ દેખાય. મને પ્રોડક્શન હાઉસમાંથી કોલ આવ્યો, પરંતુ મને લાગ્યુ કે આ પ્રેન્ક કોલ છે. તો મેં કહી દીધુ કે હું કોઇ પણ ફિલ્મ માટે ઇન્ટ્રેસ્ટેડ નથી. જોકે પાછળથી હું સમજી શકી હતી અને મેં તેમને કોલ બેક કર્યો હતો.

બોલિવુડમાં પણ એક્ટિવ રશ્મિકા

રશ્મિકાએ 2021માં સુપરહિટ ફિલ્મ પુષ્પામાં અલ્લુ અર્જુન સાથે ધમાલ મચાવી હતી. રશ્મિકાએ ગુડ બાય ફિલ્મથી બોલિવુડમાં ડેબ્યુ કર્યુ છે. ફિલ્મમાં અમિતાભ બચ્ચન, નીના ગુપ્તા, સુનીલ ગ્રોવર, પવૈલ ગુલાટી, આશીષ વિદ્યાર્થી, એલી અવરામ પણ પ્રમુખ પાત્રોમાં હતા. રશ્મિકા સિદ્ધાર્થ મલ્હોત્રા સાથે ફિલ્મ મિશન મજનૂમાં પણ જોવા મળી ચુકી છે.

આ પણ વાંચોઃ ભારતમાં ઘૂસવાનો પ્રયાસ કરી રહ્યો હતો પાકિસ્તાની, BSF જવાનોએ આ રીતે પકડ્યો