- રાહુલ ગાંધીને સુરતની સેશન્સ કોર્ટમાંથી મળ્યા જામીન
- નીચલી કોર્ટના નિર્ણયને સુરતની સેશન્સ કોર્ટમાં પડકાર્યો
- માનહાની કેસની આગામી સુનાવણી 13 એપ્રિલે થશે
કોંગ્રેસ નેતા રાહુલ ગાંધીએ નીચલી કોર્ટના નિર્ણયને સુરતની સેશન્સ કોર્ટમાં પડકાર્યો છે. રાહુલ ગાંધીના વકીલે સોમવારે અપીલ દાખલ કરી હતી. સુરત કોર્ટે રાહુલ ગાંધીના જામીન મંજૂર કર્યા છે. આગામી સુનાવણી 13 એપ્રિલે થશે. રાહુલ ગાંધી પણ સુનાવણી માટે સુરત કોર્ટ પહોંચ્યા હતા. રાહુલ ગાંધીની સાથે તેમની બહેન અને કોંગ્રેસ મહાસચિવ પ્રિયંકા ગાંધી વાડ્રા પણ સુરત પહોંચ્યા હતા. આ સાથે કોંગ્રેસ શાસિત ત્રણ રાજ્યોના મુખ્યમંત્રીઓ અને પાર્ટીના અન્ય વરિષ્ઠ નેતાઓ પણ ગુજરાત પહોંચી ગયા છે.
Defamation case | Surat Sessions Court extends Rahul Gandhi's bail till April 13, the next date of hearing in the case pic.twitter.com/Orvny11Wpl
— ANI (@ANI) April 3, 2023
23 માર્ચે, સુરતમાં ચીફ જ્યુડિશિયલ મેજિસ્ટ્રેટ એચએચ વર્માની કોર્ટે રાહુલ ગાંધીને દોષિત ઠેરવ્યા હતા અને મોદી અટક અંગે તેમના દ્વારા કરવામાં આવેલી ટિપ્પણીના સંબંધમાં દાખલ કરાયેલ ફોજદારી માનહાનિના દાવામાં તેમને બે વર્ષની જેલની સજા ફટકારી હતી. જો કે, કોર્ટે તે જ દિવસે રાહુલ ગાંધીને પણ જામીન આપ્યા હતા અને તેમની સજાના અમલ પર 30 દિવસ માટે રોક લગાવી દીધી હતી, જેથી તેઓ ઉચ્ચ અદાલતમાં અપીલ દાખલ કરી શકે.
Hearing in the case challenging Congress leader Rahul Gandhi's conviction in a defamation case will next be held on May 3 in Surat Court pic.twitter.com/PPQNr4moxH
— ANI (@ANI) April 3, 2023
સુરત કોર્ટ દ્વારા દોષિત ઠેરવ્યા બાદ, લોકસભા સચિવાલયે 24 માર્ચે રાહુલ ગાંધીને સંસદના સભ્યપદેથી ગેરલાયક ઠેરવતા નોટિફિકેશન બહાર પાડ્યું હતું. લોકસભામાંથી ગેરલાયક ઠર્યા પછી, રાહુલ ગાંધી આઠ વર્ષ સુધી ચૂંટણી લડી શકશે નહીં, જ્યાં સુધી ઉચ્ચ અદાલત તેમની સજા અને સજા પર સ્ટે ન મૂકે. ભાજપના ધારાસભ્ય અને ગુજરાતના પૂર્વ મંત્રી પૂર્ણેશ મોદી દ્વારા રાહુલ ગાંધી વિરુદ્ધ તેમની ટીપ્પણી માટે ફરિયાદ દાખલ કરવામાં આવી હતી કે બધા ચોરોની અટક મોદી કેમ છે.
આ પણ વાંચો : એજન્સીની ડાયમંડ જ્યુબિલી ઉજવણીમાં PM મોદીએ કહ્યું, ‘CBI નું નામ ન્યાયની બ્રાન્ડ છે’
