રામનવમી હિંસા: સાસારામ બાદ બિહારના નાલંદામાં હંગામો, 2 જૂથો વચ્ચે અથડામણ
બિહારના નાલંદા જિલ્લામાં બે જૂથો વચ્ચે હિંસાના સમાચાર સામે આવી રહ્યા છે. અહીં લહેરી પોલીસ સ્ટેશન વિસ્તારના ગગન દિવાન પાસે બે જૂથો વચ્ચે અથડામણ થઈ હતી. આ દરમિયાન સ્થળ પર બંને તરફથી પથ્થરમારો કરવામાં આવ્યો હતો અને વાહનોમાં તોડફોડ અને આગ ચાંપી દેવામાં આવી હતી. જેમાં અનેક લોકો ઘાયલ થયા છે. ઘટનાની માહિતી મળતાની સાથે જ મોટી સંખ્યામાં પોલીસ દળ ઘટનાસ્થળે હાજર છે. હાલ ડીએમ અને એસપી ઘટનાસ્થળે હાજર છે.
Controversy during Ram Navami procession in Bihar's Nalanda. stone pelted on mosques and Muslim mohallas, houses and shops were also set on fire. A mosque was also set on fire by a mob. pic.twitter.com/RxQqYPYm6o
— Ahmed Khabeer احمد خبیر (@AhmedKhabeer_) March 31, 2023
બજરંગ દળ અને વિશ્વ હિન્દુ પરિષદ દ્વારા શોભાયાત્રા કાઢવામાં આવી હતી. જેમાં સૂત્રોચ્ચાર દરમિયાન પથ્થરમારો થતાં બંને પક્ષના લોકો એકબીજા સાથે અથડાયા હતા. આ દરમિયાન બંને તરફથી ભારે પથ્થરમારો થયો હતો. સાથે જ રોષે ભરાયેલા લોકોએ અનેક વાહનોને આગ ચાંપી દીધી છે. પ્રાપ્ત માહિતી અનુસાર, એક તરફથી લોકોએ ફાયરિંગ પણ કર્યું છે. જેમાં સરઘસમાં સામેલ 2 યુવકો ઘાયલ થયા હતા. જ્યાં બંનેને હોસ્પિટલમાં દાખલ કરવામાં આવ્યા છે. જ્યાં તેની સારવાર ચાલી રહી છે.
પોલીસની શાંતિ જાળવવા અપીલ
નાલંદા જિલ્લાની પોલીસે પહેલા બંને પક્ષોને શાંત કરવાનો પ્રયાસ કર્યો, પરંતુ જ્યારે બંને પક્ષો સહમત ન થયા, ત્યારે પોલીસે તમામ બદમાશોને ત્યાંથી ભગાડી દીધો. જો કે આ દરમિયાન પોલીસ વિવિધ વિસ્તારોમાં મીટીંગો યોજી લોકોને સૌહાર્દ અને શાંતિ જાળવવા અપીલ કરી રહી છે.
સાસારામમાં રામ નવમીની શોભાયાત્રા બાદ પથ્થરમારો
તમને જણાવી દઈએ કે આજે આવો જ એક કિસ્સો સાસારામ જિલ્લામાંથી સામે આવ્યો છે. રામ નવમીની શોભાયાત્રાના જવાબમાં કેટલાક લોકોએ કેટલાક ધાર્મિક સ્થળોમાં તોડફોડ કરી હતી, જેના કારણે આજે સાસારામમાં ઘણી જગ્યાએ હિંસા અને આગચંપીની ઘટનાઓ સામે આવી છે.
આ પણ વાંચોઃ હાવડામાં કલમ 144 લાગુ, 48ની ધરપકડ; અમિત શાહે રાજ્યપાલને ફોન કર્યો
એડીએમ સાસારામનું કહેવું છે કે બંને પક્ષો વચ્ચે થોડો તણાવ થયો હતો, જેના કારણે બંને પક્ષો વચ્ચે પથ્થરમારો થયો હતો. જો કે જિલ્લા વહીવટી તંત્રએ મામલો શાંત પાડ્યો છે. તે દરમિયાન લોકોએ કેટલાક ઘરોમાં આગ પણ લગાવી દીધી હતી, જેને બુઝાવવામાં આવી રહી છે. હાલ સ્થિતિ કાબુમાં છે. એડીએમએ કહ્યું કે જિલ્લા પ્રશાસન અને પોલીસ દળ ઘટનાસ્થળે હાજર છે.
