પાલનપુર : ડીસા એપીએમસી માં સહકારી ગોગા મહારાજ ની મહાઆરતી રમેલ યોજાઈ

પાલનપુર : ચૈત્ર મહિનો એટલે દેવી-દેવતાઓને રીઝવવાનો મહિનો કહેવાય છે. ત્યારે ડીસાના મુખ્ય માર્કેટયાર્ડમાં બિરાજમાન શ્રી સહકારી ગોગા મહારાજની મહાઆરતી અને રમેલ યોજાઈ હતી. જેમાં મોટી સંખ્યામાં ભાવિક ભક્તો ઉપસ્થિત રહી દર્શન નો લાભ લીધો હતો.

ડીસા – પાટણ હાઈવે ઉપર શ્રી ખેતીવાડી ઉત્પન્ન બજાર સમિતિ ડીસાના મુખ્ય પ્રવેશદ્વારમાં આવેલ શ્રી વિજય હનુમાનજી મંદિર પરિસરમાં બિરાજમાન શ્રી સહકારી ગોગા મહારાજ ની મહાઆરતી ધાનેરાના ધારાસભ્ય અને ડીસા એપીએમસી ના ચેરમેન માવજીભાઈ દેસાઈ સહિત ડીરેકટરો, વેપારીઓ, કર્મચારીઓ, મહેતાજીઓ, હમાલ-તોલાટ ભાઈઓ અને ભકતોની ઉપસ્થિતિમાં કરવામાં આવી હતી.

ત્યારબાદ બાદ રમેલ ની રમઝટ જામી હતી. જેમાં મોડી રાત સુધી કલાકારો એ રેગડી ની રમઝટ બોલાવી હતી. શ્રી ગોગા મહારાજ ના ભકતો માટે મહાપ્રસાદ અને ખીર નો પ્રસાદ આપવામાં આવ્યો હતો. મહાઆરતી અને રમેલ ને સફળ બનાવવા માટે ગોગા મિત્ર મંડળ એ રાત દિવસ મહેનત કરીને સાથ સહકાર આપ્યો હતો.

આ પણ વાંચો : પાલનપુર : ડીસાના નવા ગામમાં સંપૂર્ણ દારૂબંધી કરવા ગ્રામજનોની માંગ