પાલનપુર : ડીસા આખોલ પાસે ઓવરબ્રિજ પર ઘાસ ભરેલી ટ્રક પલટી

*વાહન વ્યવહાર અટવાઈ પડ્યો હતો

પાલનપુર : ડીસામાં આજે આખોલ ચાર રસ્તા પર ઓવરબ્રિજ પર ઘાસ ભરેલી ટ્રક પલટી ખાતા અકસ્માત સજાય હોવાની ઘટના સામે આવે છે ભરીને ચંડીસર તરફ જઈ રહેલી ટ્રકનાચાલકની જોકું આવતા અકસ્માત સર્જાયો હતો. ઘટનાને પગલે ડીસા તાલુકા પોલીસ ઘટના સ્થળે પહોંચી રાહત કામગીરી શરૂ કરી હતી.

વિસાવદર થી સુકુ ઘાસ ભરીને એક ટ્રક ચંડીસર તરફ જઈ રહી હતી અને ડીસા નજીક આખોલ બ્રિજ પરથી પસાર થઈ હતી. તે સમયે અચાનક ટ્રક ચાલકને ઊંઘમાં ઝોકું આવી જતા ટ્રક પલટી ખાઈને ઓવરબ્રિજના ડિવાઇડર સાથે ટકરાતા અકસ્માત સર્જાયો હતો.

અકસ્માતમાં ચાલકને સામાન્ય ઇજા પહોંચી હતી પરંતુ અકસ્માત બાદ ટ્રક ચાલક ત્યાંથી ફરાર થઈ ગયો હતો. પલટી ખાતા ટ્રકમાં ભરેલો સૂકો ઘાસચારો રોડ પર ફેલાઈ ગયો હતો.

જેના કારણે વાહન વ્યવહાર અટવાઈ પડ્યો હતો. ઘટનાને પગલે ડીસા તાલુકા પોલીસ તરત અકસ્માત સ્થળે પહોંચી હતી અને એક તરફનો ઓવરબ્રિજ બંધ કરાવી ટ્રાફિક ને સર્વિસ રોડ પર ડાયવર્ટ કરાયો હતો.

આ પણ વાંચો : હવે સંભાળવું પડશે : રાજ્યમાં કોરોનાના વધુ 262 કેસ, અમદાવાદમાં 1 દર્દીનું મોત