સલમાન ખાન ધમકી વચ્ચે કોલકાતામાં પરફોર્મ કરશે? આયોજકે આપ્યો જવાબ

બોલિવૂડ એક્ટર સલમાન ખાન હાલ ચર્ચામાં છે. લોરેન્સ બિશ્નોઈએ જાનથી મારી નાખવાની ધમકી આપ્યા બાદ સલમાનને ઈમેલ દ્વારા ધમકીઓ પણ મળી છે. આ પછી, મુંબઈ પોલીસે અભિનેતાની સુરક્ષામાં નોંધપાત્ર વધારો કર્યો છે. આ બધાની વચ્ચે કોલકાતામાં શોના એક આયોજકે એ વાતની પુષ્ટી કરી છે કે સલમાનનો કોલકાતા શો કેન્સલ થયો નથી પરંતુ મોકૂફ રાખવામાં આવ્યો છે.

શું સલમાન ખાન કરશે કોલકાતા શો?

સલમાનનો કોલકાતા શો એપ્રિલમાં ફરી શેડ્યૂલ કરવામાં આવ્યો હતો. પરંતુ ઈ-મેલ દ્વારા અભિનેતાને જાનથી મારી નાખવાની ધમકીના સમાચાર આવ્યા પછી, તેના કોલકાતા શો પર શંકાના વાદળો મંડરાઈ રહ્યા હતા. રિપોર્ટ અનુસાર, કેટલાક સૂત્રોએ દાવો કર્યો છે કે સલમાનના કોલકાતા શોમાં સોનાક્ષી સિંહા, જેકલીન ફર્નાન્ડિસ, પ્રભુ દેવા, આયુષ શર્મા અને ગુરુ રંધાવા પણ સામેલ છે. સુરક્ષાના કારણોસર શો કેન્સલ થઈ શકે છે. જો કે, શોના આયોજકોનું કહેવું છે કે શો શેડ્યૂલ મુજબ જ ચાલશે.

સલમાન ખાનનો શો શેડ્યૂલ પર હશે

રિપોર્ટ અનુસાર, શોના એક આયોજકે કહ્યું, “આ પાયાવિહોણી અફવાઓ કોણ ફેલાવી રહ્યું છે? આ શો એપ્રિલમાં નહીં પણ મે-જૂનમાં થઈ રહ્યો છે. નવેમ્બર અને ડિસેમ્બરમાં, સલમાન ખાનની ટીમ કોલકાતામાં પ્રવાસના તમામ શ્રેષ્ઠ મુદ્દાઓને અંતિમ રૂપ આપવા માટે હતી. સોમવારે મેં તેમની ટીમ સાથે વાત કરી અને તેમને એકમાત્ર સમસ્યા જેકલીન ફર્નાન્ડીઝની તારીખને લઈને છે, જેના પર અમે કામ કરી રહ્યા છીએ. અમે શોની તારીખ ટૂંક સમયમાં જાહેર કરીશું. આ શો કોલકાતાના સૌથી મોટા સ્પોર્ટ્સ ગ્રાઉન્ડમાં યોજાય તેવી અપેક્ષા છે.”

સોહેલ અને શેરાએ સ્થળની સુરક્ષા તપાસી

સલમાનના ભાઈ સોહેલ ખાન અને તેના અંગત સુરક્ષા ગાર્ડ શેરાએ ગયા વર્ષે નવેમ્બરમાં કોલકાતાની મુલાકાત લીધી હતી અને જ્યાં સલમાન ખાન લાઈવ પર્ફોર્મન્સ આપવા જઈ રહ્યો છે તે સ્થળની સુરક્ષા તપાસવા માટે ગયો હતો. તમને જણાવી દઈએ કે કથિત ધમકી બાદ સલમાનને તાજેતરમાં Y+ કેટેગરીની સુરક્ષા આપવામાં આવી છે.

પશ્ચિમ બંગાળ સરકાર અને પોલીસ મદદ કરી રહી છે

રિપોર્ટ અનુસાર, રાજદીપે આગળ કહ્યું, “પશ્ચિમ બંગાળ સરકાર અને ઉચ્ચ પોલીસ અધિકારીઓ અમને દરેક શક્ય રીતે મદદ કરી રહ્યા છે જેથી બધું બરાબર થઈ જાય. પરંતુ અમે તેમની સુરક્ષા માટે કયા પગલા ભરવાના છે તે જાહેર કરી શકતા નથી. હું એટલું જ કહી શકું છું કે દરેક વસ્તુનું યોગ્ય ધ્યાન રાખવામાં આવશે.